| e-texts navigator |
| Wylie |
172a1 ཡིས།། བཙལ་བ་མེད་པའི་རྡོ་རྗེ་བསྒོམ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། བདེན་པ་གཉིས་སོ་སོར་བསྟན་པའི་ལེའུ་སྟེ་བཅུ་གསུམ
172a2 པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་གསང་བ་བསྡུས་པ་འདི་གསུངས་སོ།། དངོས་པོའི་རང་བཞིན་ཐམས་ཅད་ནི།། ཆོས་ཀྱི
172a3 དབྱིངས་ཀྱི་ཐིག་ལེ་སྟེ།། དེ་ཉིད་བསྒྲུབ་པའི་ཐབས་སུ་ནི།། མེ་ཤེལ་གཟུགས་བརྙན་ལ་སོགས་བརྟག། བརྟགས་པས་དངོས་པོ་མེད་མཐོང་སྟེ།། ཡང་དག་མཐོང་ནས་རྣམ་པར་གྲོལ།། གཟུགས་དང་སྒྲ་ལ་སོགས་པ
172a4 རྣམས།། ཡང་དག་མ་ཡིན་ཀུན་རྟོག་ཡིན།། ཤེལ་རབ་ཐབས་ལས་ཐམས་ཅད་འབྱུང་།། གང་ཞིག་དངོས་མེད་ཤེས་རབ་སྟེ།། རང་གི་མཚན་ཉིད་ཐབས་ཡིན་ནོ།། ཐབས་དང་ཤེས་རབ་སྙོམས་འཇུག་པ།། བདེ་བའི
172a5 བསམ་གཏན་ཆེན་པོ་ཡིན།། སྒྱུ་མའི་རོ་ལ་མ་ཆགས་ན།། དེ་ནི་ཆགས་པ་ཆེན་པོ་ཡིན།། སྲོག་དང་མ་བྱིན་ལེན་པ་དང་།། རྫུན་དང་རྩུབ་པའི་ངག་ལ་སོགས།། ཐམས་ཅད་མ་ལུས་སྤྲད་པ་སྟེ།། སྤྱད་ན་ཡེ་ཤེས་ཐོབ།
172a6 པར་འགྱུར།། སྐུ་གསུང་ཐུགས་སུ་གང་བསྒྲུབས་པས།། ཕྲ་མོའི་ཐིག་ལེ་རྫོགས་པར་བསྒོམ།། དེ་ནས་གྲུབ་པ་མཐོང་མ་ཐག། མ་སྐྱེས་པ་ཡི་ཏིང་འཛིན་བསྒོམ།། དེ་ཡང་རང་བཞིན་མཚན་མ་མེད།། གཉིས་མེད
iiif viewer powered by OpenSeadragon
