| e-texts navigator |
| Wylie |
16b1 དེས།། རྡོ་རྗེ་སེམས་དཔའི་སྤྱན་མངའ་ནས།། འགྱིང་བའི་ཚུལ་གྱིས་གནས་པ་ཡི།། མཁའ་ལ་བསྙེན་པའི་ལྷ་བཀོད་དེ།། བདག་པོའི་རྡོ་རྗེ་ལམ་ནས་ནི།། མཁའ་ཡི་པདྨའི་དཀྱིལ་འཁོར་དུ།། བདག་པོའི་བདག་ཉིད
16b2 པདྨོར་འཁྱིལ།། དེ་བའི་ལྷ་མོ་ཀླུ་མོའི་གཟུགས།། ཤིན་ཏུ་ངོ་མཚར་ཆེ་བ་ཡང་།། དག་པའི་ཡེ་ཤེས་ཆེན་པོ་ཡིས།། བྱིན་གྱིས་བརླབས་ཏེ་བསྒོམ་པར་བྱ།། སྒྲུབ་པ་ཆེན་པོར་བསྙེན་པར་རྫོགས།། བསྙེན་པའི་དམ་ཚིག
16b3 སྦྱོར་ཤེས་ན།། ཉེ་བའི་བསྙེན་པ་འབྱུང་བར་འགྱུར།། ཉེ་བའི་བསྙེན་པ་གང་ཡིན་པ།། རྡོ་རྗེ་སེམས་བཞིན་བསྒོམ་ཤེས་ན།། སྒྲུབ་པ་ཆེན་པོའི་རང་བཞིན་གསལ།། གསལ་བའི་ཐིག་ལེ་འོད་འབར་བའི།། དཀྱིལ
16b4 འཁོར་འབུམ་སྟོང་མ་ལུས་པ།། བྱང་ཆུབ་སེམས་སུ་སྦྱོང་ཤེས་ཤིང་།། ངོ་བོ་དེ་ལ་སྡུད་ཤེས་པ།། བསྙེན་པའི་དམ་ཚིག་ཤེས་པ་ཡིན།། དེ་ནི་ཉེ་བའི་མཆོག་ཀྱང་ཡིན།། བསྒྲུབ་པར་བྱ་བའི་གཞི་ཡིན་པས།། སྒྲུབ་པ
16b5 ཆེན་པོར་སྦྱོར་བར་བྱའོ།། ཨ་ནི་བསྙེན་པའི་དཀྱིལ་འཁོར་ཏེ།། ཨོཾ་ནི་ཉེ་བའི་བསྙེན་པ་ཡིན།། ཧཱུཾ་ནི་སྒྲུབ་པ་ཞེས་བྱ་སྟེ།། སྭ་ནི་བསྒྲུབ་པ་ཆེན་པོར་གསུངས།། ཧཱུཾ་ནི་བདག་པོའི་དབུ་ལ་གནས།། འོད་དཔག་མེད་པའི
16b6 གནས་རབ་ཏུ།། སྐད་ཀྱི་འགྲོ་བྱེད་འབྱུང་འཇུག་ན།། སངས་རྒྱས་ལག་གིས་གཟུང་དུ་རུང་།། སངས་རྒྱས་བསྙེན་པའི་དམ་ཚིག་ནི།། སྦྱོར་ཤེས་རྒྱལ་བའི་སྲས་པོ་ཡིན།། ཤེས་རབ་བླ་མེད་པ་དེ་ལ།། ཡུད་ཀྱིས་སྦྱོར་བ
iiif viewer powered by OpenSeadragon
