| e-texts navigator |
| Wylie |
169a1 ཅིང་འབྲེལ་འབྱུང་ཟབ་མོའི་དོན།། དམ་པའི་དོན་དུ་བསྒོམ་པར་བྱ།། སྲིད་གསུམ་རང་བཞིན་མེད་མཐོང་ན། ཁམས་གསུམ་འགྲོ་རྣམས་སྔོན་དུ་འགྱུར།། གསང་བ་ཟབ་མོའི་དོན་ཉིད་ལ།། འཛིན་པ
169a2 མེད་པ་མེད་པ་ཡིས།། ཡོད་པ་མེད་པར་ཤེས་འདུག་ན།། ད་ལྟ་ཉིད་དུ་ས་གསུམ་རྫོགས།། བྱ་མེད་བྱ་དང་རྣམ་པར་བྲལ། ཁམས་གསུམ་ལས་འདས་རིན་པོ་ཆེ།། ཡོན་ཏན་ཐམས་ཅད་འབྱུང་བའི་གནས།། ཟད་མི
169a3 ཤེས་པའི་གཏེར་དུ་འགྱུར།། མི་རྟོག་གསང་བར་ཀུན་འདུས་ཕྱིར།། རྟོག་པ་ཐམས་ཅད་དག་པ་ཡིན།། གཟུང་དང་འཛིན་པ་ལས་བྱུང་སྟེ།། ཕྲ་རྒྱས་ཐམས་ཅད་གང་ཡིན་པ།། ལྷུན་གྱིས་གནས་པས་བཀག་པ
169a4 ཡིན།། འདི་ནི་ཨ་དང་མཛེས་པའི་ཏ།། ཏ་ལས་ཡན་ལག་སྤྲོས་པ་བཞིན།། འཇིག་རྟེན་ཡོངས་ཀྱི་སྤྱོད་ཡུལ་ལས།། སངས་རྒྱས་གསུང་གི་ཟབ་མོ་འབྱུང་།། སྲོག་དང་རྩོལ་བ་ལས་བྱུང་བའི།། སྒྲོ་དང་བསྡུ་བ་དེ་བཞིན
169a5 ཏེ།། དབུགས་ནི་ཕྲ་མོ་ཉིད་དུ་བྱ།། དེ་ནས་མ་སྐྱེས་ཏིང་འཛིན་བསྒོམ།། ཀུན་གྱིས་བགྲོད་པའི་ལམ་རྒན་ཕྱིན།། ཅིག་ཆར་འཇུག་པའི་དོན་ཉིད་ལས།། གཞན་དུ་འཇུག་པར་མི་བྱའོ།། དེ་ནས་བྱང་ཆུབ་སེམས་དཔའ
169a6 ལ་སོགས་པ་ཐེག་པ་གཞན་རྣམས་ངོ་མཚར་དུ་གྱུར་རྨད་དུ་གྱུར། འདུས་པ་རབ་ཏུ་འདུས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། བྱང་ཆུབ་སེམས་དཔའ་ལ་སོགས་པ་དེ
iiif viewer powered by OpenSeadragon
