| e-texts navigator |
| Wylie |
15a1 བརྟེན་པས་འགྲུབ།། གཟུགས་ལ་ཆགས་མེད་ཆགས་བྲལ་ནས།། དང་པོ་ལྔ་ལ་ཆགས་པར་བྱ།། ས་ཉིད་སྦྱང་དུ་མེད་པར་གསུངས།། བསྐལ་པ་གངྒཱའི་བྱེ་སྙེད་ཀྱི།། འགྲོ་བ་བསམ་གྱིས་མི་ཁྱབ་པ།། ཞིང
15a2 དང་གྲུབ་ལ་སྦྱོར་བྱེད་པ།། སྔགས་ཀྱི་བདག་པོ་རྣལ་འབྱོར་པས།། བྱང་ཆུབ་མཆོག་ཏུ་བསྒོམ་བྱས་ཏེ།། སྐད་ཅིག་ཡུད་ཀྱིས་ཀུན་བསད་ན།། རྒྱལ་བ་རྒྱལ་བའི་སྲས་སུ་སྐྱེས།། ཀུན་རྫོབ་ཐ་སྙད་བྲལ་བས་ན།། དོན
15a3 དམ་ཡང་དག་བྱང་ཆུབ་ནི།། སྣང་དང་མི་སྣང་རྩོལ་བྲལ་བས།། ཐམས་ཅད་རང་བཞིན་མེད་པར་ཞི།། སྒྱུ་མ་མི་གཡོར་ལ་སོགས་བྲལ།། རྟོག་པས་བགྲང་བའི་ས་ལས་འདས།། རྒྱུ་འབྲས་དབྱེར་མེད་མཉམ་པའི
15a4 སྐུ།། ཆུ་ཟླ་འམ་རྨི་ལམ་ལ་སོགས་ལྟར།། རང་རིག་ཉིད་ལ་ཀུན་གསལ་བས།། རང་རིག་དེ་ཡང་འདི་འདྲ་ཞེས།། གཞན་ལ་བསྟན་དུ་མེད་པའི་ཕྱིར།། རང་རིག་རང་བྱུང་རང་བཞིན་བཞག། མི་རྟོག་དབྱིངས་ལས
15a5 ས་པའི་ཕྱིར།། མཉམ་པའི་སྙིང་པོ་ཆུ་ཟླ་ལ།། སྐྲ་དང་ཡེ་ཤེས་བརྟག་མི་བྱ།། ཅིར་ཡང་དམིགས་མེད་མི་གཡོ་ལ།། སྙིང་པོ་ཆུ་ཟླའི་ཚིག་ལས་འདས།། བསམ་ཞིང་སྒྲུབ་པ་ལས་འདས་པས།། ཚིག་གི་ཐ་སྙད་ཀུན
15a6 དང་བྲལ།། བསྒོམ་ཞེས་དམིགས་པའི་ཡུལ་མེད་པས།། བསམ་གཏན་ལུང་ལ་གནས་པ་མིན།། ལུང་ཞེས་མིང་དུ་གདགས་མིན་པའི།། ཚད་མ་གཞན་གྱིས་བཅོས་སུ་མེད།། གཅིག་པ་ཡེ་རྒྱར་ཡེ་གནས་པས།། སངས
iiif viewer powered by OpenSeadragon
