| e-texts navigator |
| Wylie |
150a1 ང་ཡི་བཀའ།། བླང་བར་བྱ་ཡི་གུས་ཕྱིར་མིན།། ང་ཡི་བཀའ་ནི་དགོངས་པ་ཅན།། ཡོད་མཐའ་དགྲོལ་ཕྱིར་མེད་མཐའ་བསྟན།། མེད་མཐའ་དགྲོལ་ཕྱིར་ཡོད་ཅེས་བསྟན།། གཉིས་མེད་དགྲོལ་ཕྱིར་ཉག
150a2 གཅིག་བསྟན།། སྤྲོས་དགྲོལ་ཕྱིར་ན་བརྗོད་མེད་བསྟན།། བརྗོད་མེད་དགྲོལ་ཕྱིར་ཁ་འབྱམ་བསྟན།། ལྟ་བ་འཕྲུལ་གྱི་ཁ་འབྱམ་འདི།། ཇི་ལྟར་ནམ་མཁའི་མདུང་བསྐོར་བཞིན།། གང་ལྟར་སྐོར་ཡང་དོག་པ་མེད།། ཇི
150a3 ལྟར་འདམ་གྱི་ཕུར་པ་བཞིན།། གང་ལྟར་བསྐུལ་ཡང་སྦྲུལ་དུ་བཏུབ།། ལྤགས་པ་རློན་པའི་མཐའ་བཞིན་དུ།། གང་ལྟར་འཐེན་ཡང་འཐེན་དུ་བཏུབ།། ཇི་ལྟར་སྨྱོན་པའི་ཚིག་བཞིན་དུ།། གང་ལྟར་སྨྲས་ཀྱང་རང་དབང
150a4 ཆེ།། ཞེས་གསུངས་སོ།། ཡང་གསོལ་པ། ཀྱེ་གསང་བའི་བདག་པོ་ལགས། ཆོས་ཀྱི་སྐུ་དང་ལོངས་སྤྱོད་རྫོགས།། སྤྲུལ་པའི་སྐུ་དང་རྣམ་པ་གསུམ།། གཅིག་པ་ལགས་སམ་ཐ་དད་ལགས།། ཆོས་ཀྱི་སྐུ་དང་ཆོས
150a5 དབྱིངས་སམ།། གཅིག་པ་ལགས་སམ་ཐ་དད་ལགས།། ཆོས་ཀྱི་སྐུ་དང་ཡེ་ཤེས་གཉིས།། གཅིག་པ་ལགས་སམ་ཐ་དད་ལགས།། རང་བྱུང་ཡེ་ཤེས་ཆེན་པོ་དང་།། མ་རིག་པ་ཡི་འཁྲུལ་པ་གཉིས།། གཅིག་པ་ལགས
150a6 སམ་ཐ་དད་ལགས།། ཆོས་ཅན་མཚན་མར་འཛིན་པ་དང་།། ཆོས་ཉིད་དོན་གྱི་ངོ་བོ་གཉིས།། གཅིག་པ་ལགས་སམ་ཐ་དད་ལགས། ཁམས་གསུམ་འཁོར་བའི་སེམས་ཅན་དང་།། དུས་གསུམ་བཞུགས་པའི་སངས
iiif viewer powered by OpenSeadragon
