| e-texts navigator |
| Wylie |
14b1 སྲིན་གྱིས།། གང་ཟིན་མི་གཏོང་ཚུལ་དུ་གནས།། བདེ་བ་ཆེན་པོའི་རྒྱུད་ལས། གསང་བའི་མན་ངག་དངོས་པོ་འདི་ལྟ་བུ་ཞིག་བསྒོམ་དུ་ཡོད་ཅེས་བསྟན་པར་མ་གསུངས་པའི་ལེའུ་སྟེ་བཅུ་གཅིག་པའོ།། །། དེ
14b2 ནས་བཅོམ་ལྡན་འདས་སྦྱང་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། བྱང་ཆུབ་སེམས་ནི་རྡོ་རྗེའི་སྐུ།། བཀའ་ཡི་འཁོར་ལོ་རབ་བསྐོར་བས།། སྐུ་གསུམ་སྐུ་ནི
14b3 ཨ་ཡིན་ཏེ།། གང་ཡང་མི་ཕྱེད་རྡོ་རྗེའི་སྐུ།། དབྱེ་བ་མཐར་སྤངས་སྤྲོས་བདག་མེད།། སྒྲ་མིང་ཚིག་ལས་འདས་པ་ན།། རང་གི་ངོ་བོ་བསྟན་དུ་མེད།། འཇིགས་མེད་དཔའ་བའི་ས་ཐོབ་པ།། སངས་རྒྱས་ས་ལ་སྦྱང་མི
14b4 དགོས།། དངོས་མེད་ངོ་བོ་ཉིད་ཀྱིས་དག། རྡོ་རྗེ་ཐེག་པ་བླ་ན་མེད།། མ་སྐྱེས་པ་ཡི་ཆོས་རྣམས་ལ།། དངོས་པོར་བསྟན་པར་མ་གསུངས་ཏེ།། རྒྱལ་བ་རྣམས་ཀྱིས་བསྐྱེད་པར་བསྟན།། ཨེ་མ་ཧོ་ཆོས་རྣམས་རྨི་ལམ
14b5 ཚུལ།། སྣང་སྟོང་ངོ་བོ་ཉིད་ཀྱིས་དབེན།། བྱང་ཆུབ་སེམས་དཔའི་ས་རིམ་གནས།། ཤེས་རབ་བླ་མེད་མཆོག་གི་ས།། སྔགས་ཀྱི་སྤྱོད་པ་མཆོག་སྤྱོད་རྣམས།། ཆོས་མཆོག་མི་གཡོ་བརྙེས་འདོད་ན།། འདོད་པ་མ་ལུས
14b6 བརྟེན་པ་ནི།། ཆགས་པའི་ཡེ་ཤེས་འདོད་ལ་སྤྱོད།། ས་རྣམས་སྦྱོང་བ་མཐར་ཕྱིན་ནས།། དེ་ལ་མེ་ལོང་ཆུ་ཟླ་བཞིན།། སྣང་བ་ཉིད་ལ་འཕེལ་འགྲིབ་མེད།། སངས་རྒྱས་སྦྱོང་བ་གྲུབ་པས་ཀྱང་།། འདོད་པའི་ཡོན་ཏན
iiif viewer powered by OpenSeadragon
