| e-texts navigator |
| Wylie |
149b1 གསོལ།། གསང་བའི་བདག་པོས་ཡང་གསུངས་པ།། བཏགས་པ་ཐམས་ཅད་བློ་ཡིས་བཏགས།། གཟུང་བ་ཐམས་ཅད་བློ་ཡིས་བཟུང་།། ཕྱེ་བ་ཐམས་ཅད་བློ་ཡིས་ཕྱེ།། བརྗོད་པ་ཐམས་ཅད་བློ་ཡིས་བརྗོད།། སྣང
149b2 བ་ཐམས་ཅད་བློ་ལ་སྣང་།། གྲུབ་པ་ཐམས་ཅད་བློ་ལ་གྲུབ།། དངོས་དབང་དེ་ལས་ཟློག་པའོ།། རེ་ཞིག་བློ་ལ་བསྒོམ་བྱ་ན།། ཡིན་ཚུལ་ངེས་པ་མེད་པའི་ཕྱིར།། སྣང་ཚུལ་ཅིར་ཡང་སྣང་བ་ཡིན།། རྒྱ་ཆད་ཕྱོགས་ལྷུང
149b3 མེད་པ་ཡིན།། མ་འདྲེས་ཡོངས་སུ་རྫོགས་པ་ཡིན།། ཀུན་བྲལ་ཅི་མ་བློང་བ་ཡིན།། ལྡན་ལྡོག་གཉིས་དང་བཅས་པ་ཡིན།། དེ་ལ་དབྱེ་བ་མེད་པ་ཡིན།། སྒྲོ་སྐུར་ཀུན་དང་བྲལ་བ་ཡིན།། ཞེས་གསུངས་སོ།། ཡང
149b4 གསོལ་པ། ཀྱེ་གསང་བའི་བདག་པོ་ལགས། ཕྱོགས་ཆ་ཅན་གྱི་ལྟ་བ་ལ།། དེ་ལ་བསྟན་པར་བགྱི་མི་བགྱིད།། བདེ་གཤེགས་གསང་བའི་བདག་པོ་ཡིས།། ཕྱོགས་ཆ་ཅན་དུ་གསུངས་པ་དེ།། ངེས་དོན་ལགས་སམ
149b5 དགོངས་བཤད་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཕྱོགས་གཅིག་སྤངས་ན་ཕྱོགས་གཅིག་བླ།། ཕྱོགས་ལ་ཆགས་པས་ཕྱོགས་ཟུག་མཐའ།། ཕྱོགས་རིས་མེད
149b6 པའི་ལྟ་བ་ལ།། ཕྱོགས་ཆ་ཅན་དུ་གཟུང་བ་དེ།། ལྟ་བ་ངན་ཏེ་ལྡིང་བ་ཡིན།། དེ་ལ་བསྟན་པར་མི་བྱའོ།། ཁྱེད་ལ་སོགས་པའི་འཁོར་རྣམས་ཀྱིས། བསྲེགས་བཅད་བརྡར་བའི་གསེར་བཞིན་དུ།། ཡོངས་སུ་བརྟགས་ཏེ
iiif viewer powered by OpenSeadragon
