| e-texts navigator |
| Wylie |
148b1 གསང་བའི་བདག་པོ་ལ་འདི་སྐད་ཅེས་གསོལ་ཏོ།། ཀྱེ་གསང་བའི་བདག་པོ་ལགས།། རྫོགས་པ་ཆེན་པོའི་ངེས་ཚིག་ཇི་ལྟར་ལགས།། དེ་ལ་བླང་དོར་ཡོད་དམ་མེད།། གསང་བའི་བདག་པོས་གསུངས་པ།། ཇི་ལྟར
148b2 ནམ་མཁའི་མཚན་ཉིད་དུ།། སྣང་ཉིད་མ་བགག་ཤོང་བ་ལྟར།། རྫོགས་པ་ཆེན་པོའི་མཚན་ཉིད་དུ།། མེད་པའི་ཆོས་དང་ཡོད་པའི་ཆོས།། དེ་བཞིན་སྲིད་དང་མི་སྲིད་པ།། སངས་རྒྱས་སེམས་ཅན་བདེ་སྡུག
148b3 བསྔལ།། བཟང་ངན་ཆེ་ཆུང་སྐྱོན་ཡོན་ཏན།། ལྷག་མ་མེད་པར་ཡོངས་རྫོགས་པས། དེ་ཕྱིར་དེ་ལ་རྫོགས་ཞེས་བྱ།། རིན་པོ་ཆེ་ཡི་གསེར་གླིང་དུ།། ཐམས་ཅད་གསེར་ལས་མེད་པའི་ཕྱིར།། དོར་དུ་རུང་བ་ཡོད་མ
148b4 ན། རྫོགས་པ་ཆེན་པོའི་ཆོས་ཉིད་ལ།། སྤང་བ་གང་ཡང་མེད་པའི་ཕྱིར།། དོར་དུ་རུང་བ་ཡོད་མ་ཡིན།། གཉིས་མེད་ཡེ་ཤེས་ཁོ་ན་ལ།། མཚན་མ་ཅི་ཡང་མི་སྣང་ཕྱིར།། བླང་དུ་རུང་བ་ཡོད་མ་ཡིན།། ཅེས
148b5 གསུངས་སོ།། ཡང་གསོལ་བ། ཀྱེ་གསང་བའི་བདག་པོ་ལགས། མ་འདྲེས་ཡོངས་སུ་རྫོགས་ཞེས་བྱ།། དེ་དོན་བདག་ལ་བསྟན་དུ་གསོལ།། གསང་བའི་བདག་པོས་གསུངས་པ། མཁའ་ལ་གཟུགས་སོགས་མ་འདྲེས
148b6 པ།། ཆུ་ནང་ཕྱོགས་སུ་ཡོངས་སུ་རྫོགས།། འབྱུང་བ་རྣམ་བཞི་མ་འདྲེས་པ།། ནམ་མཁའི་ངང་དུ་ཡོངས་སུ་རྫོགས།། སྣ་ཚོགས་དར་སྣ་མ་འདྲེས་པ།། ཟ་འོག་སྣམ་བུར་ཡོངས་སུ་རྫོགས།། ཚོན་རྩི་རྣམ་ལྔ་མ་འདྲེས
iiif viewer powered by OpenSeadragon
