| e-texts navigator |
| Wylie |
148a1 ཡི་ལས་ཀྱིས་བསྒྱུར་བྱས་ཏེ།། སྐུ་གཟུགས་ཆེན་པོ་བྱས་པའི་ཚེ།། གསེར་ཡང་བཟོ་ཡི་རྫས་སུ་སྣང་།། ཆོལ་ཟངས་དྲི་སྣོད་བྱས་པའི་ཚེ།། གསེར་ཡང་ངན་པའི་རྫས་སུ་སྣང་།། དེ་བཞིན་ཆོས་ཉིད་རྒྱུ
148a2 གཅིག་ལ།། འཁྲུལ་པ་ཅན་གྱིས་བརྟགས་ཙམ་ན།། ཡུལ་ཡང་མ་དག་འཇིག་རྟེན་ཁམས།། ངམ་གྲོག་གཡང་ས་ལུང་ཁུང་རྣམས།། ཡེ་ཤེས་ཅན་གྱི་ངོ་ཁ་ལ།། ཡུལ་གྱི་ཞིང་ཁམས་རྣམ་དག་སྟེ།། བདེ་བ་ཅན་གྱི་ཡུལ
148a3 དུ་སྣང་།། གཉིས་མེད་ཡེ་ཤེས་ངོ་ཁ་ལ།། སྣང་དང་མི་སྣང་གཉིས་སུ་མེད།། སྨན་དང་དུག་ཏུ་གཅིག་པ་ལ།། ལ་ལའི་སྨན་ཡང་ལ་ལའི་དུག། ཧ་ལ་ནག་པོའི་དུག་དག་ཀྱང་།། ཐབས་མཁས་བཟའ་ལེགས་སྨན་གྱི
148a4 མཆོག། སྨན་པའི་རྒྱལ་པོ་བཅུད་ལེན་ཡང་།། ཐབས་མ་མཁས་ཤིང་བཟའ་ཉེས་ན།། ཧ་ལ་ནག་པོའི་དུག་དང་མཚུངས།། འདོད་ཆགས་ཞེ་སྡང་གཏི་མུག་ཀྱང་།། བསྐྱེད་པ་མེད་པའི་ཡེ་ཤེས་ཡིན།། རང་བྱུང་ཡེ་ཤེས
148a5 ཆེན་པོ་ཡང་།། རྣམ་རྟོག་རླུང་གིས་བསྐྱོད་ཙམ་ན།། འདོད་ཆགས་ཞེ་སྡང་གཏི་མུག་ཡིན།། ས་འོག་གནས་པའི་གསེར་དག་བྱང་།། བདག་པོ་མེད་ན་རྡོ་དང་འདྲ།། དགོས་པ་ཅི་ཡང་ཆེ་རྒྱུ་མེད།། ཀུན་ལ་ཡོད་པའི་བྱང
148a6 ཆུབ་སེམས།། ཡེ་ཤེས་མེད་ན་འཁྲུལ་པ་ཡིན།། དགོས་པ་ཅི་ཡང་ཆེ་རྒྱུ་མེད།། མི་གཡོ་ཡེ་ཤེས་ལྡན་གྱུར་ན།། ཐིག་ལེ་ཉག་གཅིག་ཆོས་ཀྱི་སྐུ།། བྱིན་རླབས་ཡིད་བཞིན་ནོར་བུའི་ཚུལ།། དེ་ནས་སེམས་དཔའ་རྡོ་རྗེས
iiif viewer powered by OpenSeadragon
