| e-texts navigator |
| Wylie |
147b1 ཀྱང་།། ཀུན་བྲལ་ཅི་ཡང་མ་སྤངས་པའོ།། ཆོས་རྣམས་འདུས་པའི་ཡེ་ཤེས་ལ།། འདི་ཞེས་གཅིག་ཏུ་ངོས་གཟུང་མེད།། དེ་བཞིན་སོ་སོར་དབྱེ་བ་ཡང་།། ཀུན་བྲལ་ཅི་ཡང་མ་སྤངས་པའོ།། སྣ་ཚོགས་དར་གྱི་མིང
147b2 རྣམས་ཀྱང་།། ཟ་འོག་སྣམ་བུར་བྱས་ཙམ་ན།། སྣ་ཚོགས་དར་མིང་བྲལ་ནས་ཀྱང་།། སྣམ་བུར་བཏགས་པ་ཇི་བཞིན་དུ།། དེ་བཞིན་ཆོས་རྣམས་ཐམས་ཅད་ཀྱང་།། གཉིས་མེད་ཡེ་ཤེས་བསྡུས་ཙམ་ན།། སྣ་ཚོགས
147b3 ཆོས་ཀྱི་མིང་དང་བྲལ་ནས་ཀྱང་།། གཉིས་མེད་ཐིག་ལེ་ཆེན་པོར་གཅིག། གསེར་ལས་བྱས་པའི་རྫས་རྣམས་ཀུན།། མིང་དབྱིབས་ལ་སོགས་ཐ་དད་ཀྱང་།། ངོ་བོ་གསེར་དུ་གཅིག་པ་བཞིན།། སེམས་ཀྱིས་བཏགས
147b4 པའི་ཆོས་རྣམས་ཀུན།། མིང་དབྱིབས་ལ་སོགས་ཐ་དད་ཀྱང་།། ཆོས་ཉིད་ངོ་བོར་དབྱེར་མེད་གཅིག། དཔེར་ན་རས་སྣམ་ཡུག་གཅིག་ལ།། ཚོན་གྱི་རྐྱེན་གྱིས་སོ་སོར་སྣང་།། སྣང་ཡང་རས་སུ་དབྱེར་མེད་གཅིག། དེ
147b5 བཞིན་ཆོས་ཀྱི་རྒྱུ་གཅིག་ལ།། དབང་པོ་རྐྱེན་གྱིས་སོ་སོར་སྣང་།། ཆོས་དེ་ངོ་བོར་དབྱེར་མེད་གཅིག། ཤེལ་སྒོང་དག་གི་དྲུང་དག་ཏུ། ཁ་དོག་སྣ་ཚོགས་རས་བཞག་པས།། གང་བཞག་རྐྱེན་གྱིས་དེ་ལྟར་སྣང་།། སྣང
147b6 ཡང་ཤེལ་ལ་འགྱུར་བ་མེད།། དེ་བཞིན་སེམས་ཉིད་རྒྱུད་གཅིག་ལ།། འགྲོ་བ་རིགས་དྲུག་སོ་སོ་ནས།། ལས་བག་རྐྱེན་གྱིས་སོ་སོར་སྣང་།། ཆོས་ཉིད་ངང་ལས་འགྱུར་བ་མེད།། རྒྱུ་ཉིད་གསེར་དུ་གཅིག་པ་ལ།། བཟོ
iiif viewer powered by OpenSeadragon
