| e-texts navigator |
| Wylie |
146b1 བས།། བལྟར་མེད་བལྟས་པས་མ་མཐོང་སྒྲིབ་པ་འབྱུང་།། བཙལ་མེད་བཙལ་བས་མ་གྲུབ་གོལ་ས་བྱུང་།། ཀྱེ་སེམས་དཔའ་ཆེན་པོའོ།། བྱས་པའི་སྤྱོད་པ་སྤྱོད་པ་ཟང་མ་མིན།། དམིགས་པའི་ཏིང་འཛིན་སྒོམ་པ་ཟང
146b2 མ་མིན།། གསལ་བའི་ཡེ་ཤེས་ཡེ་ཤེས་ཟང་མ་མིན།། བསྒྲུབས་པའི་འབྲས་བུ་འབྲས་བུ་ཟང་མ་མིན།། ཕྱོགས་ལྷུང་ཡོད་ན་ལྟ་བ་ཟང་མ་མིན།། འཕོ་འགྱུར་ཡོད་ན་ཆོས་ཉིད་ཟང་མ་མིན།། འབྱུང་བའི་སྤྱོད་པ་སྤྱོད་པ
146b3 ཟང་མ་མིན།། དམིགས་པ་མེད་ན་སྒོམ་པ་ཟང་མ་ཡིན།། གསལ་འགྲིབ་མེད་ན་ཡེ་ཤེས་ཟང་མ་ཡིན།། ལྷུན་གྱིས་གྲུབ་པ་ཡེ་ཤེས་ཟང་མ་ཡིན།། ཕྱོགས་ལྷུང་མེད་ན་ལྟ་བ་ཟང་མ་ཡིན།། འཕོ་འགྱུར་མེད་ན་ཆོས་ཉིད
146b4 ཟང་མ་ཡིན།། ཀྱེ་སེམས་དཔའ་ཆེན་པོ་དེ་ལྟ་བས་ན། ཆོས་ཇི་བཞིན་པའི་ངང་ལ་བློ་ཇི་བཞིན་པ་བཞག་སྟེ། དབང་པོ་རྒྱ་ཡན། རིག་པ་ཁྱབ་གད་ལ། ལུས་སེམས་བཅོས་པ་མེད་པར་བཞག་གོ། དབང་པོ་ཡུལ་ལ་ཡན
146b5 པ་བསྡུ་མི་བྱ།། ཡུལ་དང་དབང་པོ་མི་དབྱེ་ལྷུག་པར་བཞག། ཆོས་རྣམས་ངོ་ཡིས་མི་བཟུང་གྱི་ནར་བཞག། མཉམ་གཞག་ཡིན་ལ་གཞོག་ཅིག་རྗེས་ཐོབ་རྟ་ལྟར་བཙའ།། ཞེས་གསུངས་སོ།། ཡང་གསོལ་པ། ཀྱེ
146b6 གསང་བའི་བདག་པོ་ལགས། དཔེ་མཚོན་ཚིག་གི་ལྡེ་མིག་གིས།། དོན་གྱི་གསང་སྒོ་དབྱེ་བྱ་སྟེ།། དེ་དོན་བདག་ལ་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། དཔེ
iiif viewer powered by OpenSeadragon
