| e-texts navigator |
| Wylie |
146a1 འགྱུར།། གསང་བའི་བདག་པོ་ང་ཡིས་ཀྱང་།། ཇི་བཞིན་པ་ལ་བཅོས་མ་མྱོང་།། སེམས་དཔའ་ཆེན་པོ་ཁྱོད་ཀྱིས་ཀྱང་།། ཇི་བཞིན་པ་ལས་བཅོས་མ་བྱེད།། སེམས་དཔའ་ཆེན་པོ་རང་ལུས་མ་བཅོས་པ
146a2 ལ་ལྷ་མ་བསྒོམས།། སྨྲ་བའི་ཚིག་དང་ངག་མ་བཅོས།། ཀྱེ་སེམས་དཔའ་ཆེན་པོ་ཉོན་ཅིག། ཆུ་མ་སྙོགས་ན་དངས། སེམས་མ་བཅོས་ན་གསལ། ལམ་མ་བགྲོད་ན་ཉེ། འབྲས་བུ་མ་དམིགས་ན་ཐོབ། ཀྱེ་སེམས་དཔའ
146a3 ཆེན་པོ་ཇི་ལྟར་སྣང་བའི་ཆོས་རྣམས་ཀུན། དེ་བཞིན་ཉིད་དུ་གཅིག་པ་ལ།། དེ་ལས་སུའང་འཆོས་པར་མ་བྱེད་ཅིག། མ་བཅོས་མཉམ་པའི་རྒྱལ་པོ་དེ་ལ་ནི། མི་རྟོག་ཆོས་སྐུའི་དགོངས་པ་འདི་ལ་གནས།། ཅི་བཞིན
146a4 པ་ལ་བཅོས་མ་བྱེད།། ཇི་བཞིན་པ་ལ་སུས་བཅོས་པ།། དེ་ཡིས་རྣལ་དུ་འབྱོར་པ་མེད།། རྣལ་དུ་མ་འབྱོར་དོན་མི་འགྲུབ།། ཇི་བཞིན་པ་ལ་འཆོས་མ་བྱེད།། ཇི་བཞིན་པ་ལ་སུ་འཆོས་པ།། དེ་ཡི་མྱ་ངན་མི་འདའ
146a5 སྟེ།། དེ་ནི་འཁོར་བའི་སྙིང་པོ་འགྲུབ།། ཀྱེ་སེམས་དཔའ་ཆེན་པོ། རང་ལས་མེད་ཀྱི་གཞན་མ་བལྟ།། འགྲོ་ས་མེད་ཀྱི་ཅོག་གེ་སྡོད།། ཕུགས་ན་འདུག་གི་སྒོར་མ་འབྱུང་།། ཡེ་ནས་ཡིན་གྱིས་གཟོད་མ་འཚོལ།། རང
146a6 བྱུང་ཡེ་ཤེས་ཕུགས་ནས་སྒོར་ཕྱུང་བས།། མཚན་མ་སྣ་ཚོགས་ཆོས་དང་ཐུག་གིས་ཕྲད།། དེ་ལ་བརྟགས་ཤིང་དཔྱད་བྱས་པས། ཁམས་གསུམ་འཁོར་བའི་སྙིང་པོ་འགྲུབ།། རང་བྱུང་ཡེ་ཤེས་ཕུགས་ནས་སྒོར་ཕྱུང
iiif viewer powered by OpenSeadragon
