| e-texts navigator |
| Wylie |
145a1 ལགས།། ཉིད་ཀྱི་བྱང་ཆུབ་སེམས་རྟོགས་པས།། ཡིད་ཆེས་དད་པ་འདི་ལྟར་སྐྱེ།། བྱང་ཆུབ་སེམས་ཀྱི་ཆོས་ཉིད་ཀྱིས།། ཅི་ལྟར་སྣང་བའི་ཆོས་རྣམས་ཀུན།། མི་སྣང་བ་ལ་མངོན་དུ་འབྱིན་ནུས
145a2 པས།། ཆོས་ཀྱི་སྙིང་པོ་ཡིན་པར་ཡིད་ཀྱང་ཆེས།། རྒྱུ་ལས་མ་བྱུང་རྐྱེན་གྱིས་མ་བསྐྱེད་པས།། རང་བྱུང་ཡེ་ཤེས་ཡིན་པར་ཡིད་ཀྱང་ཆེས།། རང་བཞིན་བཅུ་ཡིས་རྩལ་དུ་མེད་པའི་ཕྱིར།། མ་བཙལ་ལྷུན་གྱིས་གྲུབ་པར
145a3 ཡིད་ཀྱང་ཆེས།། ཆོས་རྣམས་ཐམས་ཅད་གཏན་ལ་ཕབ་པའི་ཕྱིར།། བསྟན་པའི་སྒྲོན་མེ་ཡིན་པར་ཡིད་ཀྱང་ཆེས།། ཉམས་སུ་བླངས་ཤིང་བློ་ལ་བཞག་པའི་ཆོས་ཡིན་པས།། མན་ངག་ཀུན་གྱི་རྩ་བ་ཡིན་པར་ཡིད་ཀྱང
145a4 ཆེས།། སྡེ་སྣོད་ཀུན་དང་རྒྱུད་ཀུན་གྱི།། འབྱུང་གནས་གཏན་ལ་འབེབས་པས་ན།། ཀུན་གྱི་སྤྱི་འབྲེལ་ཡིན་པར་ཡིད་ཀྱང་ཆེས།། རྒྱུ་འབྲས་ཐེག་པ་ཅན་ལ་ཁྱད་འཕགས་པས།། ཐེག་པའི་ཉིང་ཁུ་ཡིན་པར་ཡིད་ཀྱང
145a5 ཆེས།། དུས་གསུམ་སངས་རྒྱས་ཐམས་ཅད་ཀྱི།། ལམ་དུ་ཁྱེར་བའི་ཆོས་ཉིད་དེ།། བྱང་ཆུབ་སེམས་ལས་མེད་པའི་ཕྱིར།། བསྟན་པའི་ཡངས་ཆེན་ཡིན་པས་ཡིད་ཀྱང་ཆེས།། ཐམས་ཅད་ཉིད་དུ་འདུས་པའི་ཕྱིར།། ཀུན
145a6 གྱི་རྩ་བ་ཡིན་པར་ཡིད་ཀྱང་ཆེས།། ཐམས་ཅད་ཉིད་ཀྱིས་བྱས་པའི་ཕྱིར།། ཀུན་གྱི་མཁན་པོ་ཡིན་པར་ཡིད་ཀྱང་ཆེས།། ཐམས་ཅད་ཉིད་ལས་བྱུང་བའི་ཕྱིར།། ཀུན་གྱི་འབྱུང་གནས་ཡིན་པར་ཡིད་ཀྱང་ཆེས།། ཐམས
iiif viewer powered by OpenSeadragon
