| e-texts navigator |
| Wylie |
144a1 ཅིག། ང་ཡི་བྱང་ཆུབ་སེམས་གཅིག་ནི།། དུས་གསུམ་བཞུགས་པའི་རང་བཞིན་པ།། དེ་དོན་ཁྱོད་ཀྱིས་རྟོགས་གྱུར་ཏམ།། ཡང་སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས།། ཉིད
144a2 ཀྱི་བྱང་ཆུབ་སེམས་གཅིག་ནི།། དུས་གསུམ་བཞུགས་པའི་རང་བཞིན་པ།། དེ་དོན་བདག་གིས་རྟོགས་གྱུར་ཏེ།། འདས་དང་མ་བྱོན་ད་ལྟར་གྱི།། དུས་གསུམ་དབྱེ་བ་མེད་པ་རུ།། བྱང་ཆུབ་སེམས་ནི་གནས་པའི
144a3 ཕྱིར།། སེམས་ཉིད་དུས་གསུམ་ཁྱབ་པར་རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག། ང་ཡི་བྱང་ཆུབ་སེམས་གཅིག་ནི།། རྒྱུ་འབྲས་ལམ་གྱི་རང་བཞིན་པས།། དེ་དོན་ཁྱོད་ཀྱིས
144a4 རྟོགས་གྱུར་ཏམ།། སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས།། ཉིད་ཀྱི་བྱང་ཆུབ་སེམས་གཅིག་ནི།། རྒྱུ་འབྲས་ལམ་གྱི་རང་བཞིན་པ།། དེ་དོན་བདག་གིས་རྟོགས་གྱུར་ཏེ།། སེམས་རྟོགས
144a5 སངས་རྒྱས་བྱུང་བའི་ཕྱིར།། སེམས་ནི་སངས་རྒྱས་རྒྱུ་རུ་རྟོགས།། མ་ཡིས་གནས་པ་ལམ་ཡིན་པས།། སེམས་ནི་སངས་རྒྱས་ལམ་དུ་རྟོགས།། མངོན་དུ་གྱུར་པ་འབྲས་བུ་པས།། སེམས་ནི་འབྲས་བུ་ཡིན་པར
144a6 རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག། ང་ཡི་བྱང་ཆུབ་སེམས་གཅིག་ནི།། ཕུན་སུམ་ཚོགས་པའི་རང་བཞིན་པ།། དེ་སྐད་ཁྱོད་ཀྱིས་རྟོགས་གྱུར་ཏམ།། སེམས་དཔའ་རྡོ་རྗེས
iiif viewer powered by OpenSeadragon
