| e-texts navigator |
| Wylie |
143b1 གཅིག་ནི། ཁམས་གསུམ་དག་གི་རང་བཞིན་པ།། དེ་དོན་ཁྱོད་ཀྱིས་རྟོགས་གྱུར་ཏམ།། སེམས་དཔའ་རྡོ་རྗེས་ཡང་གསོལ་པ།། ཀྱེ་གསང་བའི་བདག་པོ་ལགས།། ཉིད་ཀྱི་བྱང་ཆུབ་སེམས་གཅིག་ནི། ཁམས་གསུམ
143b2 དག་གི་རང་བཞིན་པ།། དེ་དོན་བདག་གིས་རྟོགས་གྱུར་ཏེ།། བྱང་ཆུབ་སེམས་ཀྱི་ཆོས་ཉིད་དེ།། མ་སྐྱེས་སྟོང་ལ་སྐྱེ་མེད་པས།། དེ་ནི་གཟུགས་མེད་ཁམས་སུ་རྟོགས།། དབང་པོ་ཡུལ་དུ་སྣང་བ་ནི།། དེ་ནི་གཟུགས་ཀྱི
143b3 ཁམས་སུ་རྟོགས།། དེ་ཉིད་ཞེན་པས་བཟུང་བ་ནི།། དེ་ནི་འདོད་པའི་ཁམས་སུ་རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག། ང་ཡི་བྱང་ཆུབ་སེམས་གཅིག་ནི།། སྐུ་གསུང་ཐུགས་ཀྱི
143b4 རང་བཞིན་པ།། དེ་དོན་ཁྱོད་ཀྱིས་རྟོགས་གྱུར་ཏམ།། སེམས་དཔའ་རྡོ་རྗེས་ཡང་གསོལ་པ། ཀྱེ་གསང་བའི་བདག་པོ་ལགས།། ཉིད་ཀྱི་བྱང་ཆུབ་སེམས་གཅིག་ནི།། སྐུ་གསུང་ཐུགས་ཀྱི་རང་བཞིན་པ།། དེ་ནི་བདག
143b5 གིས་རྟོགས་གྱུར་ཏེ།། རང་བཞིན་ངོ་བོ་ཐུགས་རྗེ་གསུམ།། སེམས་ཀྱི་སྐུ་ལས་སྐུ་གཞན་མིན།། དེས་ན་སེམས་ཀྱི་སྐུ་རུ་རྟོགས།། སྣོད་བཅུད་སྒྲ་སྐད་སྣ་ཚོགས་པ།། སེམས་ཀྱི་གསུང་ལས་གཞན་མི་གྲག། དེས་ན
143b6 སེམས་ཉིད་གསུང་དུ་རྟོགས།། ཀུན་གྱིས་མི་རྟོག་མཉམ་ཉིད་དེ།། བྱང་ཆུབ་སེམས་ཀྱི་ཐུགས་ཡིན་པས།། དེས་ན་སེམས་ནི་ཐུགས་སུ་རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ་ཆེན་པོ་ཉོན
iiif viewer powered by OpenSeadragon
