| e-texts navigator |
| Wylie |
143a1 རྡོ་རྗེ་ཉོན་ཅིག། ང་ཡི་བྱང་ཆུབ་སེམས་གཅིག་ནི།། འབྱུང་བ་ལྔ་ཡི་རང་བཞིན་ལ།། དེ་དོན་ཁྱོད་ཀྱིས་རྟོགས་གྱུར་ཏམ།། སེམས་དཔའ་རྡོ་རྗེས་ཡང་གསོལ་པ།། ཀྱེ་གསང་བའི་བདག་པོ་ལགས།། ཉིད
143a2 ཀྱི་བྱང་ཆུབ་སེམས་གཅིག་ནི།། འབྱུང་བ་ལྔ་ཡི་རང་བཞིན་པ།། དེ་དོན་བདག་གིས་རྟོགས་གྱུར་ཏེ།། བྱང་ཆུབ་སེམས་ཀྱིས་ཀུན་བསྡུས་པས།། བྱང་ཆུབ་སེམས་ལ་ཀུན་བརྟེན་པས།། བྱང་ཆུབ་སེམས་ནི་ཆུ་འདྲར
143a3 རྟོགས།། ཀུན་ལ་སྙོམས་ཤིང་སྨིན་མཛད་པའི།། བྱང་ཆུབ་སེམས་ནི་མེ་འདྲར་རྟོགས།། གཟུགས་མེད་ཁམས་ལ་རྒྱུ་བས་ནི།། བྱང་ཆུབ་སེམས་ནི་རླུང་འདྲར་རྟོགས།། སྣང་མེད་མཁའ་ལ་ཁྱབ་པས་ནི།། བྱང་ཆུབ
143a4 སེམས་ནི་མཁའ་འདྲར་རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ང་ཡི་བྱང་ཆུབ་སེམས་གཅིག་ནི།། སྐུ་ལྔ་མངོན་དུ་ཕྱུང་གྱུར་པ།། དེ་དོན་ཁྱོད་ཀྱིས་རྟོགས་གྱུར་ཏམ།། སེམས
143a5 དཔའ་རྡོ་རྗེས་ཡང་གསོལ་པ། ཀྱེ་གསང་བའི་བདག་པོ་ལགས། ཉིད་ཀྱི་བྱང་ཆུབ་སེམས་གཅིག་ནི།། སྐུ་ལྔ་མངོན་དུ་ཕྱུང་གྱུར་ཏེ།། བྱང་ཆུབ་སེམས་ཀྱི་ཡེ་ཤེས་ནི།། འབྱུང་ཆེན་ལྔ་ཡི་སྐུར་ཕྱུང་ནས།། ཚིག་དང་ཡི
143a6 གེར་མི་སྟོན་ཏོ།། རང་གི་ངོ་བོས་ཆོས་སྟོན་ཏོ།། བདག་ཏུ་མི་རྟོག་གཞན་མི་རྟོག། མི་རྟོག་མཉམ་པའི་ཆོས་སྟོན་ཏོ།། ཞེས་གསོལ་ཏོ།། ཡང་གསུངས་པ། ཀྱེ་རྡོ་རྗེ་སེམས་དཔའ་ཉོན་ཅིག། ང་ཡི་བྱང་ཆུབ་སེམས
iiif viewer powered by OpenSeadragon
