| e-texts navigator |
| Wylie |
142b1 ལ།། ཉོན་མོངས་སྐྱོན་གྱིས་མ་གོས་པས།། བྱང་ཆུབ་སེམས་ནི་དཀར་པོར་རྟོགས།། ཆེ་བའི་ཡེ་ཤེས་འབྱུང་བའི་ཕྱིར།། བྱང་ཆུབ་སེམས་ནི་སེར་པོར་རྟོགས།། ཐུགས་རྗེ་ཀུན་ལ་ཁྱབ་པའི་ཕྱིར།། བྱང་ཆུབ་སེམས་ནི
142b2 དམར་པོར་རྟོགས།། གང་ལའང་ཐོགས་པ་མེད་པའི་ཕྱིར།། བྱང་ཆུབ་སེམས་ནི་ལྗང་གུར་རྟོགས།། གཞན་གྱིས་བསྒྱུར་དུ་མེད་པའི་ཕྱིར།། བྱང་ཆུབ་སེམས་ནི་ནག་པོར་རྟོགས།། སྣ་ཚོགས་ཅིར་ཡང་སྣང་བའི
142b3 ཕྱིར།། བྱང་ཆུབ་སེམས་ནི་ཁྲ་བོར་རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ང་ཡི་བྱང་ཆུབ་སེམས་གཅིག་ནི།། འདོད་སྤྱོད་ལྔ་ཡི་རང་བཞིན་པས།། དེ་དོན་ཁྱོད་ཀྱིས
142b4 རྟོགས་གྱུར་ཏམ།། རྡོ་རྗེ་སེམས་དཔས་ཡང་གསོལ་པ།། ཀྱེ་གསང་བའི་བདག་པོ་ལགས། ཉིད་ཀྱི་བྱང་ཆུབ་སེམས་གཅིག་ནི།། འདོད་སྤྱོད་ལྔ་ཡི་རང་བཞིན་པ།། དེ་དོན་བདག་གིས་རྟོགས་གྱུར་པས།། སྣང
142b5 པ་ཐམས་ཅད་སེམས་ལས་སྣང་།། དེས་ན་སེམས་ཉིད་གཟུགས་སུ་རྟོགས།། གྲག་པ་ཐམས་ཅད་སེམས་ལ་གྲག། དེས་ནི་སེམས་ཉིད་སྒྲ་རུ་རྟོགས།། རོ་ཕྱོགས་ཐམས་ཅད་སེམས་ལ་བྲོ།། དེས་ན་སེམས་ཉིད་རོ་རུ
142b6 རྟོགས།། དྲི་ཕྱོགས་ཐམས་ཅད་སེམས་ལ་བྲོ།། དེས་ན་སེམས་ཉིད་དྲི་རུ་རྟོགས།། རེག་ཚོགས་ཐམས་ཅད་སེམས་ལ་རེག། དེས་ན་སེམས་ཉིད་རེག་ཏུ་རྟོགས།། ཞེས་གསོལ་ཏོ།། ཡང་གསུངས་པ། ཀྱེ་སེམས་དཔའ
iiif viewer powered by OpenSeadragon
