| e-texts navigator |
| Wylie |
141b1 གསུངས་པ། ང་ཡི་བྱང་ཆུབ་སེམས་གཅིག་ནི།། བདེ་གཤེགས་རིགས་ལྔའི་རང་བཞིན་ལ།། དེ་དོན་ཁྱོད་ཀྱིས་རྟོགས་གྱུར་ཏམ།། སེམས་དཔའ་རྡོ་རྗེས་ཡང་གསོལ་པ།། ཀྱེ་གསང་བའི་བདག་པོ་ལགས།། ཉིད་ཀྱི
141b2 བྱང་ཆུབ་སེམས་གཅིག་ནི།། བདེ་གཤེགས་ལྔ་ཡི་རང་བཞིན་པ།། དེ་དོན་བདག་གིས་རྟོགས་གྱུར་ཏེ།། སེམས་ཉིད་ཅིར་ཡང་སྣང་བ་ནི།། རྣམ་པར་སྣང་མཛད་ཡིན་པར་རྟོགས།། སེམས་ལ་འཕོ་འགྱུར་མེད་པ
141b3 ནི།། རྡོ་རྗེ་སེམས་དཔའ་ཡིན་པར་རྟོགས།། ཆེ་བའི་ཡེ་ཤེས་བྱུང་བས་ན།། རིན་ཆེན་འབྱུང་ལྡན་ཡིན་པར་རྟོགས།། སེམས་ཀྱིས་ཀུན་ལ་ཁྱབ་པས་ན།། སྣང་བ་མཐའ་ཡས་ཡིན་པར་རྟོགས།། བྱ་བཙལ་མེད་པར་གྲུབ
141b4 པས་ན།། དོན་ཡོད་གྲུབ་པ་ཡིན་པར་རྟོགས།། ཞེས་གསོལ་ཏོ།། ཡང་གསུངས་པ། ང་ལ་བྱང་ཆུབ་སེམས་གཅིག་ནི།། སངས་རྒྱས་སྐུ་ལྔའི་རང་བཞིན་པ།། དེ་དོན་ཁྱོད་ཀྱིས་རྟོགས་གྱུར་ཏམ།། སེམས་དཔའ་རྡོ་རྗེས
141b5 ཡང་གསོལ་པ།། ཀྱེ་གསང་བའི་བདག་པོ་ལགས། ཉིད་ཀྱི་བྱང་ཆུབ་སེམས་ཉིད་ནི།། སངས་རྒྱས་སྐུ་ལྔའི་རང་བཞིན་པས།། དེ་དོན་བདག་གིས་རྟོགས་གྱུར་ཏེ།། གཟུང་འཛིན་པ་ཡི་བྱང་ཆུབ་སེམས།། དེ་ནི་ཆོས་སྐུ
141b6 ཡིན་པར་རྟོགས།། གསལ་ལ་རྟོག་པ་མེད་པ་ནི།། ལོངས་སྤྱོད་རྫོགས་སྐུ་ཡིན་པར་རྟོགས།། སེམས་ལ་དབང་ཐོབ་བསྒྱུར་ནུས་པ།། དེ་ནི་སྦྲུལ་སྐུ་ཡིན་པར་རྟོགས།། རང་རིག་མངོན་དུ་གྱུར་པ་ནི།། མངོན་པར་བྱང
iiif viewer powered by OpenSeadragon
