| e-texts navigator |
| Wylie |
140b1 དོན་ཀུན་གནས་འཇུག་པའི།། མི་གཉིས་ཏིང་འཛིན་ཡུལ་ལས་འདས།། ཐེག་པ་སྣ་ཚོགས་སྟོན་པའི་གཞི།། གསང་བའི་མཐའ་རྣམས་མ་འགགས་པའོ།། རྣམ་པར་མི་རྟོག་བསམ་གཏན་ནི།། ནམ་མཁའ་བཞིན་དུ་ཡེ
140b2 གནས་པས།། རྟོག་པའི་སྒྲ་བསམ་ཡུལ་ལས་འདས།། ཞེས་གསུངས་སོ།། དེ་ནས་རིགས་ཀྱི་དེ་བཞིན་གཤེགས་པ་རྣམས་ཀྱིས། ཕྱོགས་ཐམས་ཅད་མངོན་པར་བསྟོད་ཅིང་རྗེས་སུ་ཡི་རངས་ཏེ། སྤྱི་བོས་བླངས
140b3 སོ།། ཐམས་ཅད་སྟོན་པ་བླ་ན་མེད།། ཐམས་ཅད་ཐེག་པ་བླ་ན་མེད།། གསང་སྔགས་ཕྱག་རྒྱའི་དཀྱིལ་འཁོར་དུ།། མ་ལུས་ཆོས་རྣམས་ཀུན་སྦྱོར་ཞིང་།། རིགས་ཀུན་མངོན་པར་རྫོགས་པ་དག། བཅོམ་ལྡན་སྙིང་པོ
140b4 ཁྱོད་ལས་བྱུང་།། ཡེ་ཤེས་ཆེན་པོ་ཀུན་སྤྱོད་པས།། རིགས་ཀྱི་རིགས་ཏེ་རིགས་ཀྱི་མཆོག། ཅེས་པ་དང་། རྒྱལ་བ་ཀུན་གྱིས་བྱང་ཆུབ་སེམས་དཔའི་ཚོགས་རྣམས་ལ་དབང་བསྐུར་ཞིང་། བསྟན་པའི་སྙིང་པོ་དམ་པ
140b5 འདི་རྗེས་སུ་གདམས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས། ཐིག་ལེ་རྒྱ་མཚོ་གནས་ལ་འཇུག་པའི་རྒྱུད་ལས། ཡོངས་སུ་བསྡུ་བའི་ལེའུ་སྟེ་བཅུ་པའོ།། །། རྫོགས་པ་ཆེན་པོ་ཆོས་ཉིད་བྱང་ཆུབ
140b6 ཀྱི་སེམས། ཐིག་ལེ་རྒྱ་མཚོ་གནས་ལ་འཇུག་པའི་རྒྱུད་ཅེས་བྱ་བ་རྫོགས་སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་། གཡུ་སྒྲས་ཞུས་ཤིང་གཏན་ལ་ཕབ་པའོ།།
iiif viewer powered by OpenSeadragon
