| e-texts navigator |
| Wylie |
140a1 དོན་ཀུན་ཉིད།། དུས་རྣམས་ཀུན་གྱི་རང་བཞིན་ནོ།། ཞེས་གསུངས་སོ།། རྫོགས་པ་ཆེན་པོ་བྱང་ཆུབ་ཀྱི་སེམས། ཐིག་ལེ་རྒྱ་མཚོ་གནས་ལ་འཇུག་པའི་རྒྱུད་ལས། ལྷུན་གྱིས་གྲུབ་པའི་ལེའུ་སྟེ་དགུ
140a2 པའོ།། །། དེ་ནས་སངས་རྒྱས་ཐམས་ཅད་ཀྱིས།། མཆོད་པའི་ཚོགས་རྣམས་བཀོད་པ་ལས།། ཕྱོགས་རྣམས་ཀུན་ཏུ་མཆོད་བྱེད་ཅིང་།། རང་གི་ཡེ་ཤེས་སྟོན་པར་མཛད།། བྱང་ཆུབ་སེམས་དཔའི་ཚོགས་རྣམས
140a3 ཀྱིས།། དོན་རྒྱས་གསང་བའི་རྒྱུད་བཟུང་ཞིང་།། དེ་རྣམས་ཡེ་ཤེས་ཟག་པ་མེད།། བྱིན་རླབས་སྐད་ཅིག་མཐུ་ཡིས་རྟོགས།། གསང་བའི་རྒྱུད་ཆེན་མཐར་ཕྱིན་པ།། དུས་གསུམ་རྒྱལ་བའི་བཀའ་བཞིན་དུ།། ཀུན་ཏུ
140a4 བཟང་པོའི་བསྟན་པ་ཉིད།། རང་གི་ཤེས་རབ་ཀྱིས་བཟུང་ཞིང་།། ངེས་པར་མཆོད་ཅིང་བསྟོད་པའི་གནས།། རྒྱུད་ཆེན་གསང་བ་མཐར་ཕྱིན་པ།། དོན་ཀུན་སྟོན་པའི་མཚན་ཇི་ལྟར།། ཀུན་བཟང་ལྷ་ལ་གསོལ
140a5 འདེབས་ཤིང་།། བྱང་ཆུབ་སེམས་ཀྱི་མཆོད་པར་རོལ།། དེ་དག་བསྟན་པའི་དོན་བཞིན་དུ།། མཐར་ཕྱིན་རབ་ཏུ་རྫོགས་པར་མཛད།། ཡོངས་ཀྱི་ཆོས་རྣམས་ཐམས་ཅད་ནི།། ཐིག་ལེ་ཆེན་པོའི་རང་བཞིན་ཉིད།། ཟབ
140a6 ཅིང་རྒྱ་ཆེ་གྲངས་མེད་མོད།། རྒྱ་མཚོ་ཆེན་པོའི་རང་བཞིན་ཏེ།། ཡོན་ཏན་ཚོགས་རྫོགས་སྒྲིབ་པ་མེད།། སྤྲོ་བ་མེད་ཅིང་བསྡུ་བ་མེད།། སྐྱེ་བ་མེད་ཅིང་འགག་པ་མེད།། དངོས་མེད་མཚན་མ་ཅིར་མི་གནས།། དེ་ལྟར
iiif viewer powered by OpenSeadragon
