| e-texts navigator |
| Wylie |
13b1 དོན་ལ་བལྟ།། སྙིང་པོ་མེད་པའི་གསུང་བ་བརྟག། བྱང་ཆུབ་ཚུལ་མཆོག་བདེ་ཆེན་ཏེ།། ཡེ་ཤེས་རྡོ་རྗེ་སྤྲུལ་པ་ནི།། སངས་རྒྱས་རྒྱུ་འབྲས་མི་ཕྱེད་པའི།། ཡི་གེ་མེད་པའི་ཆོས་ལས་བྱུང་།། དེ་ཕྱིར་སྐྱེས་བུ་སྤྲུལ་པ
13b2 ཉིད།། སྐུ་ཡི་ཆ་ལུགས་ངེས་མི་གནས།། སྣང་མེད་དོན་ལ་དཔག་མི་ལང་།། ཆོས་ཀྱི་འཁོར་ལོ་དམ་པ་ནི།། སྤྲུལ་པའི་མཛད་པ་རྫོགས་ཚུལ་དུ།། སྣང་མེད་སྙིང་པོ་མཆོག་གི་སྐུ།། ཡི་གེ་མེད་པའི་རྒྱུད་ལས
13b3 གྲགས།། སངས་རྒྱས་ཀུན་དང་དེ་བཞིན་དང་།། སྟོན་པ་རྡོ་རྗེ་ཀུན་གྱི་ཐུགས།། ཡེ་ཤེས་ལྔ་ལྡན་སྙིང་པོའི་སྙིང་།། གསང་བའི་སྙིང་པོ་ངེས་པ་ཡི།། འབྲས་བུ་ཀུན་གྱི་ལམ་གྱུར་པ།། ཡེ་ཤེས་རྡོ་རྗེ་མཁའ་འདྲ་སྟེ།། ཅིར
13b4 ཡང་མི་དམིགས་གཏི་མུག་དང་།། དུས་བཞིའི་སངས་རྒྱས་མ་ལུས་ཀྱིས།། བསྐལ་པ་གསུམ་དུ་བཙལ་གྱུར་ཀྱང་།། སངས་རྒྱས་ཀྱིས་ཀྱང་མི་གཟིགས་ཏེ།། སྐུ་གསུང་ཐུགས་ལྡན་ལུས་ཅན་གྱིས།། སྣང་མེད་མཐོང
13b5 བས་ས་གསུམ་རྫོགས།། ས་བཅུའི་བྱང་ཆུབ་སེམས་དཔས་ཀྱང་།། སངས་རྒྱས་མངོན་ཤེས་དམ་ཚིག་མཆོག། དམིག་མེད་ནམ་མཁའ་ལྟ་བུའི་དབུས།། སངས་རྒྱས་དཀྱིལ་འཁོར་དམ་པ་ཉིད།། དམིགས་པ་མེད་པ
13b6 རྙེད་ནས་སྨིན།། སངས་རྒྱས་བྱང་ཆུབ་སེམ་དཔའ་ཡི།། དགོངས་པ་མི་འགྱུར་བཏང་སྙོམས།། དང་།། སྔགས་ཀྱི་སྙིང་པོ་མི་སེམས་ཞིང་།། ཕྱག་རྒྱའི་མཆོད་པ་མི་འཛིན་ཏེ།། ཡི་གེ་རྫས་ལ་མ་ཆགས་ནས།། མཆོག
iiif viewer powered by OpenSeadragon
