| e-texts navigator |
| Wylie |
139b1 བརྟགས་པའི་འཁོར་ལོས་ཏེ།། དེ་ལས་དེ་བཞིན་ཉིད་མི་སྐྱེ།། རྩོལ་བྲལ་ལུས། ཚ་ལུས། གོལ་བའི་ཕྱིར།། འཁྲུལ་པའི་ངོ་བོས་བརྟགས་པའོ།། ཐིག་ལེ་ཆེན་པོའི་རང་བཞིན་ལ།། ཕྱི་ནང་ཆོས་རྣམས་ལྷུན་གྲུབ
139b2 པས།། ཀུན་བཟང་སྐུ་གསུང་ཐུགས་ཀྱི་བདག། རིགས་རྣམས་ཀུན་གྱི་རྒྱན་གྱིས་མཛེས།། སྐུ་ཡི་སྐུ་སྟེ་སྐུ་ཡི་མཆོག། གསུང་གི་གསུང་སྟེ་གསུང་གི་མཆོག། ཐུགས་ཀྱི་ཐུགས་ཏེ་ཐུགས་ཀྱི་མཆོག། རང་བཞིན་མ་བཅོས
139b3 སྔ་མའི་དབྱིངས།། བྱ་བྲལ་ལྷུན་རྫོགས་བདེ་བའི་ཞིང་།། ཡུལ་རྣམས་རྣམ་པར་དག་པའི་ཚོགས།། དེ་དག་སྣང་ལས་རྣམ་གྲོལ་ཞིང་།། སྟོང་པ་ཉིད་དབྱིངས་མི་གནས་པའོ།། དེ་ལྟར་སྣང་དང་སྟོང་པ་དང་།། ལས
139b4 གཞན་མཐའ་རྣམས་དག་པའི་གཞི།། ཡེ་ཤེས་རང་བྱུང་ཆེ་བའི་མཆོག། སྙིང་པོ་ཐེག་པ་བླ་ན་མེད་པའོ།། དུས་རྣམས་ཀུན་ཏུ་མི་གཡོ་ཞིང་།། དེ་བཞིན་འགྱུར་བ་མེད་པའི་ཆོས།། ཐ་སྙད་རྟོག་པ་ལས་འདས
139b5 པའི།། རང་བྱུང་བྱང་ཆུབ་སེམས་ཀྱི་རྒྱ།། ཟིན་པས་ཀུན་ཏུ་འཁོར་འགྱུར་ཞིང་།། ཟིན་པས་དེ་མཐའ་རྣམ་པར་དག། བདུད་རྩི་ཆེན་པོ་རང་བཞིན་ནོ།། ཐབས་ཀྱི་རྩོལ་བ་གཞན་ནས་མེད།། གཉིས་མེད་ཡེ་ཤེས་བདུད
139b6 རྩིའི་རྒྱུན།། སྡུག་བསྔལ་རྣམ་རྟོག་གཉིས་མེད་དོ།། བྱ་བྲལ་མཚན་མ་མེད་པ་ལ།། སྣང་བའི་དོན་ཀུན་རྣམ་པར་རོལ།། དེ་ལྟར་ཡེ་ནས་མ་འདྲེས་ཤིང་།། ཐེག་པའི་མཐའ་རྣམས་དག་བྱེད་པས།། ལྷུན་གྱིས་གྲུབ་པའི
iiif viewer powered by OpenSeadragon
