| e-texts navigator |
| Wylie |
139a1 རྣམས་གྲོལ་བྱེད་པའི།། རབ་ཏུ་སྤྱོད་ལ་གནས་ཀུན་བརྒྱན།། མཐའ་བྲལ་ཡུལ་རྣམས་ཀུན་སྤྱོད་པས།། རང་གི་ཡང་དག་མངོན་སུམ་རྒྱས།། མ་རིག་འདུ་བྱེད་སྡུག་བསྔལ་ཚོགས།། འགྲོ་དྲུག་གནས
139a2 ཀུན་རིག་འཁོར་རོ།། ཐ་དད་དཀྱིལ་འཁོར་རོལ་པའི་རྫོགས།། ཐེག་པ་ཆེ་ལས་གཞན་སྣང་བ།། འབྲས་བུ་སངས་རྒྱས་ཀུན་གྱི་དངོས།། ཞེས་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས། ཐིག་ལེ
139a3 རྒྱ་མཚོ་གནས་ལ་འཇུག་པའི་རྒྱུད་ལས།། ཀུན་ཏུ་བཟང་པོའི་ལེའུ་སྟེ་བརྒྱད་པའོ།། ། དེ་ནས་རྒྱལ་བ་ཀུན་གྱི་གསང་།། ཡེ་ནས་ལྷུན་གྱིས་གྲུབ་པའི་དབྱིངས།། ཕྱག་རྒྱའི་དཀྱིལ་འཁོར་རང་སྣང
139a4 བ།། འདི་དག་འབྲས་བུ་རྫོགས་པའི་ཕྱིར།། ཀུན་ཏུ་བཟང་པོའི་སྐུ་གསུང་ཐུགས།། དེ་བཞིན་ཉིད་བཅས་རབ་ཏུ་སྟོན།། ཇི་སྙེད་སེམས་ཅན་ཐམས་ཅད་ཀྱི།། ཞེན་རྟོག་སྣང་འཛིན་མཐའ་ཡས་པས།། ཕྱོགས་རྣམས
139a5 ན་ཏུ་རྟོག་པའི་རྒྱུན།། སྣ་ཚོགས་ཡུལ་བཅས་རྣམ་པར་འཛིན།། ཐོག་མ་ཐ་མ་མེད་པའི་དབྱིངས།། རང་བཞིན་ཡེ་ཤེས་གནས་འཇུག་པས།། རྒྱུ་འབྲས་ཐེག་པ་སྣ་ཚོགས་ཀྱི།། དོན་ཀུན་སོ་སོར་སྣང་བ་ཡིན།། བློ
139a6 བུར་འཁྲུལ་པས་བརྟགས་པ་ཡི།། ལོ་རྒྱུས་སྔ་མ་ལ་བརྟེན་ཏེ།། རྩོལ་བ་བརྒྱད་བཅས་བྱ་བའི་སྒོས།། བདེ་བ་ཆེན་པོའི་གནས་ཀུན་སྒྲིབ།། རང་གི་ལྟ་བ་ཏིང་འཛིན་དང་།། སྤྱོད་པ་ས་དང་ལམ་རིམ་དག། ཀུན་ཏུ
iiif viewer powered by OpenSeadragon
