| e-texts navigator |
| Wylie |
137b1 པའོ།། འདི་ལྟར་རང་དང་གཞན་དག་ཏུ།། གཉིས་ཀའི་རྒྱུན་ལས་འབྱུང་བ་ཡི། ཁམས་གསུམ་ཡེ་ཤེས་ཀུན་སྤྱོད་པས།། ཕུང་པོའི་ཆོས་རྣམས་དག་པར་བྱེད།། རྣམ་ཤེས་དབང་པོ་ཡུལ་གྱི་ཚོགས།། དེར་གནས་དེར
137b2 གསལ་དེ་ཉིད་འདས།། ཡེ་ཤེས་ཆེན་པོ་ཐིག་ལེ་ཡིས།། དོན་ཀུན་གསང་བ་སྟོན་བྱེད་པའོ།། ཞེས་གསུངས་སོ།། རྫོགས་པ་ཆེན་པོ་བྱང་ཆུབ་ཀྱི་སེམས། ཐིག་ལེ་རྒྱ་མཚོ་གནས་ལ་འཇུག་པའི་རྒྱུད་ལས་ཡེ་ཤེས་ཆེན
137b3 པོའི་ལེའུ་སྟེ་བདུན་པའོ།། །། དེ་ནས་སྲས་ཚོགས་ཐམས་ཅད་ཀྱིས།། མངོན་པར་བསྟོད་པའི་དཀྱིལ་འཁོར་ཉིད།། མཐའ་དང་དབུས་མེད་ཐམས་ཅད་ཀུན།། ཀུན་ཏུ་བཟང་པོ་རྒྱས་པ་ལས།། ཇི་ལྟར
137b4 རང་གི་རིགས་རྣམས་དང་།། དཀྱིལ་འཁོར་ཚོགས་རྣམས་འཁོད་པར་འགྱུར།། མཐའ་དབུས་མེད་པའི་སྙིང་པོ་འདི།། ཞིང་ཁམས་ཀུན་གྱི་ཆོས་ཉིད་དེ།། འདི་ལྟར་ཆོས་ཅན་མ་འགགས་པས།། རང་བཞིན་བྱང་ཆུབ
137b5 སེམས་ཀྱི་ལུང་།། ཐ་དད་མེད་ལས་ཐ་དད་པས།། ནང་དང་ཕྱི་རོལ་ཀུན་ཏུ་སྣང་།། མཐའ་དང་དབུས་མེད་སྤངས་པ་ཉིད།། རྣམ་གསུམ་ཚུལ་གྱིས་ཟུང་དུ་འཇུག། ཞིང་ཁམས་ཡོངས་སུ་དག་པས་ན།། རིགས་ཀྱི
137b6 དཀྱིལ་འཁོར་རྣམ་པར་དག། ཕྱོགས་བཅུར་རྒྱ་ཡོངས་མ་ཆད་པས།། མཐའ་དབུས་ཀུན་ཏུ་བཟང་པོའི་སྐུ།། རོལ་པ་སྣ་ཚོགས་ཅིར་ཡང་སྣང་།། དམིགས་པའི་རྣམ་པ་ལས་འདས་པའོ།། འདི་ལས་སྤང་ཡུལ་བླང་བ
iiif viewer powered by OpenSeadragon
