| e-texts navigator |
| Wylie |
137a1 ཀུན་ཏུ་སྟོན།། དེ་དག་བསམ་པ་ཀུན་བྲལ་བའི།། ཐིག་ལེ་ཆེན་པོ་ཡེ་ཤེས་ཉིད།། ཕྱོགས་རྣམས་ཀུན་ཏུ་རྒྱ་ཆེན་ཚོགས།། ཞིང་ཁམས་བསམ་གྱིས་མི་ཁྱབ་པར།། སངས་རྒྱས་དཀྱིལ་འཁོར་གྲངས་མེད
137a2 དོ།། དུས་ཀྱི་བྱ་བ་མ་འདྲེས་པ།། ཀུན་གསལ་རང་གི་ཆོས་ལས་གྲོལ།། ལྟ་སྒོམ་འབྲེལ་པ་གཉིས་མེད་པའི།། ཡེ་ཤེས་ཆེན་པོའི་གནས་འཇུག་པའི།། རང་བཞིན་ཇི་ལྟར་དག་པ་ཡི།། ཚུལ་རྣམས་མཐའ་ཡས་རྣམ་པར
137a3 གྲོལ།། བྱ་བ་ཐམས་ཅད་སྤངས་པའི་ཆོས།། དེ་དག་བྱིན་རླབ་ནོར་བུའི་ཚུལ།། རང་བྱུང་རང་གིས་མི་གཡོ་བ།། རྒྱ་མཚོ་གསལ་བའི་ཏིང་ངེ་འཛིན།། བྱིང་རྨུགས་མཐའ་ལས་རྣམ་པར་དག། སངས་རྒྱས་ཀུན་གྱི
137a4 དགོངས་པ་ཉིད།། ཏིང་འཛིན་རྒྱལ་པོའི་གནས་བརྙེས་པས།། བདེ་བ་ཀུན་གྱིས་རབ་ཏུ་བརྒྱན།། མངོན་སུམ་མཐོང་མེད་མཐོང་བའི་ཚུལ།། དེ་དག་དེ་ཉིད་ཆོས་ལ་སྤྱོད།། ཕྱོགས་རྣམས་ཀུན་ནས་མ་འགགས
137a5 པའི།། དཀྱིལ་འཁོར་ཆེན་པོ་ཡེ་ཤེས་སྐུ།། དེ་ལས་དེ་སྣང་དེ་ཉིད་ལས།། དེ་དག་རྣམ་པར་བཀོད་པའོ།། འདི་ལྟར་ཁ་དོག་ལ་སོགས་རྫས།། ཆོས་རྣམས་དེ་ཉིད་སྣང་བའི་འོད།། མར་མེའི་སྡོང་པོ་མཐའ་ཡས
137a6 བཞིན།། ཐུགས་རྗེ་ཆེན་པོའི་འོད་མཚུངས་སོ།། དེ་ཡི་ཐམས་ཅད་མཁྱེན་པའི་མཆོག། ཡུལ་བཅས་གཉིས་མེད་གཟིགས་པའི་སྤྱན།། ཤེས་རབ་སྙིང་རྗེ་གཉིས་མེད་པའི།། ཏིང་འཛིན་མཐའ་ཡས་རྩེ་གཅིག
iiif viewer powered by OpenSeadragon
