| e-texts navigator |
| Wylie |
136b1 ཆོས།། དག་དང་མ་དག་བསྟན་པ་ཀུན།། ཚིག་ཉིད་ཙམ་སྟེ་འཁྲུལ་པའི་གནས།། ཐམས་ཅད་མཉམ་ཉིད་ཟུང་འཇུག་པས།། སྐུ་གསུང་ཐུགས་ཀྱི་དཀྱིལ་འཁོར་ཉིད།། རྒྱུ་འབྲས་རྒྱུན་ཆགས་རྣམ་དག་ཅིང་།། བྱང་ཆུབ
136b2 སེམས་ཉིད་བདེ་བའི་གཞི།། རྣལ་འབྱོར་ཆེན་པོའི་དོན་སྤྱོད་པས།། འདི་དག་དགག་སྒྲུབ་མེད་པའི་ཚུལ།། སངས་རྒྱས་ཐེག་པ་བསམ་ཡས་མོད།། གཉིས་འཛིན་འཁྲུལ་པའི་གཉེན་པོ་སྟེ།། ཡང་དག་ལམ་ཉིད་མ
136b3 འཁྲུལ་པར།། བསྟན་པ་ཐེག་པའི་ཚུལ་རྣམས་བྲལ།། ཞེས་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས།། ཐིག་ལེ་རྒྱ་མཚོའི་གནས་ལ་འཇུག་པའི་རྒྱུད་ལས་དབྱིངས་རྣམ་པར་དག་པའི་ལེའུ་སྟེ་དྲུག
136b4 པའོ།། །། དེ་ནས་སངས་རྒྱས་ཐམས་ཅད་ཀུན།། རང་བཞིན་མི་གཉིས་ཡེ་ཤེས་ཀྱིས།། ཆོས་ཀུན་གསལ་བར་སྟོན་བྱེད་ཅིང་།། རང་གི་ཡེ་ཤེས་རྣམ་པར་སྦྱོར།། དུས་གསུམ་རྣམ་པར་མཁྱེན་པའི་ཚུལ།། བསོད
136b5 ནམས་ཚོགས་མཆོག་མཐའ་ཡས་པ།། སྟོང་པ་བྱང་ཆུབ་སེམས་ཀྱི་ལུང་།། དུས་གསུམ་རྒྱུན་གཟེར་འདུ་འབྲལ་མེད།། ཡེ་ཤེས་ཚོགས་ཀྱི་གནས་འཇུག་ཅིང་།། ཟབ་མོ་རྒྱ་ཆེན་གཉིས་མེད་པའི།། ཐམས་ཅད་མཁྱེན
136b6 ཉིད་མ་འདྲེས་པའོ།། སྐུ་ཡི་ཡེ་ཤེས་ཆེན་པོ་ཡིས།། རྣམ་པ་ཅིར་ཡང་འབྱེད་པ་མེད།། དེ་དག་ཡུལ་ཀུན་རྣམ་དག་པས།། གཏི་མུག་ཀུན་གྱི་རང་བཞིན་ནོ།། ཐོག་མེད་གསལ་བའི་མར་མེ་བཞིན།། རང་གནས་ངོ་བོས
iiif viewer powered by OpenSeadragon
