| e-texts navigator |
| Wylie |
136a1 བརྗོད་བྱ་རྡུལ་ཙམ་གང་ལ་ཞིག། དེ་དག་མཚན་ཉིད་གཟུང་དཀའ་བས།། ཟུང་འཇུག་རྒྱལ་བ་ཀུན་གྱི་ཡུམ།། འདི་དག་སྒོམ་བྱེད་རྣལ་འབྱོར་པས།། སྔོན་གྱི་དྲང་སྲོང་ཆེན་པོ་ལྟར།། ལམ་ཀུན་རྣམ་པར
136a2 མངོན་བྱེད་པ།། དེ་ཉིད་ཡུལ་གྱིས་འཆིང་འགྱུར་ཞིང་།། སྒོམ་ཆགས་རྩོལ་རྩལ་དང་བཅས་པའི།། ལས་ཀྱི་ནད་ཆེན་འཁྲུལ་པའི་རྒྱུ།། དེ་དག་མཐའ་བཞི་རྣམ་སྤྱོད་ཅིང་།། བརྟགས་པའི་ཆོས་རྣམས་ཀུན་གྲོལ
136a3 བྱེད།། ཆ་ཤས་ཆ་ཤས་མེད་པའི་ཚུལ།། རང་བཞིན་བྱང་ཆུབ་སེམས་ཀྱི་གཞི།། བླ་མེད་ཐེག་པ་རྫོགས་འདོད་པས།། ཐམས་ཅད་རང་བཞིན་བྱང་ཆུབ་སེམས།། ནང་དུ་དམིགས་པའི་ཏིང་ངེ་འཛིན།། དེ་གསལ་ཡེ
136a4 ཤེས་ཆེན་པོ་མཐོང་།། སྤྱོད་པས་དོན་ཀུན་འཚེ་བྱེད་ཅིང་།། སྟོན་པའི་ལུང་བཅས་ཚིག་གི་རྒྱུན།། མཐའ་རྣམས་ཀུན་གྱི་ལས་སྤྱོད་པས།། ལམ་ཀུན་འཕྲུལ་ཞིང་གྲོལ་བའི་གནས།། དེ་ཉིད་རྟོག་པའི་རྒྱུན་འབྲེངས
136a5 པས།། རི་དྭགས་སྨིག་རྒྱུ་སྙེག་པ་འདྲ།། གལ་ཏེ་དེ་དག་ལ་གནས་ནས།། དོན་མཐུན་གསང་བ་འདི་སྐྱོ་ཞིང་། དེ་དག་མཐའ་རྣམས་འགག་འགྱུར་ཏེ།། གཡེང་མེད་བརྩོན་འགྲུས་ཆེན་པོར་སྤྱོད།། མཚོན་དུ་མེད་པའི
136a6 ཆོས་རྣམས་ཀུན།། བགྲོད་མེད་ཡང་དག་ལམ་དུ་འཇུག། དེ་དག་མཐར་བཅས་མཚོན་བྱེད་པ།། དོན་མཐུན་གསང་བའི་གནས་མ་ཡིན།། འདི་ལྟར་འཁོར་དང་མྱ་ངན་འདས།། ཕྱི་ནང་ད་ལ་སོགས་གཉིས་ཀྱི
iiif viewer powered by OpenSeadragon
