| e-texts navigator |
| Wylie |
135b1 འཇུག་པའི།། རང་བཞིན་བསྟན་པའི་དོན་གསལ་མཛད།། ཆོས་ཀུན་སྨྲ་བསམ་ལས་འདས་པ།། རང་བཞིན་གདོད་ནས་སངས་རྒྱས་གནས།། ལྟ་བ་སྨྲ་བསམ་ལས་འདས་ཕྱིར།། དེ་དག་མཐའ་ལས་རྣམ་པར
135b2 གྲོལ།། ཀུན་ཏུ་བཟང་པོ་གསང་བ་ཉིད།། དེ་ཉིད་ངེས་པ་གསུམ་གྱི་ཚུལ།། རང་བཞིན་ཕྲ་ཞིང་རྟགས་དཀའ་བས།། རྒྱལ་བ་རྣམས་ཀྱི་དགོངས་པ་ཉིད།། མི་རྟོག་རྟོག་པའི་ཡུལ་ལས་འདས།། མི་གཉིས་རྫུ་འཕྲུལ
135b3 དཔག་ཏུ་མེད།། ཞི་གནས་ལྷག་མཐོང་མངོན་ཤེས་སོགས།། ཡོན་ཏན་མ་འགགས་ཀུན་སྣང་བ།། ཐོག་མེད་རང་གི་བྱིན་རླབས་ཤུགས།། མི་གནས་མི་དམིགས་སྤྲོས་བྲལ་ཞིང་།། སོ་སོའི་མཚན་མ་ཀུན་སྤྱོད
135b4 ཡུལ།། ཐམས་ཅད་ཡེ་ཤེས་སྣང་བའི་རྒྱན།། དེ་དག་རང་གི་བྱིན་རླབས་ཆེ།། བསམ་བྱ་བསམ་བྱའི་རྟོག་ཚོགས་རྣམས།། ནོར་བུ་འོད་ཀྱི་སྣང་བ་བཞིན།། དཔེ་བཅས་མཚོན་པའི་སྒོ་རྣམས་ཀུན།། དེ་དག་རབ་ཏུ་རྒྱས
135b5 པ་ཉིད།། བྱང་ཆུབ་སེམས་ཉིད་བདེ་བའི་རྒྱ།། དཀྱིལ་འཁོར་རིགས་རྣམས་ཀུན་གྱི་གནས།། དུས་གསུམ་འགག་མེད་ཡེ་ཤེས་ཆེ། ཁ་དོག་དབྱིབས་རྒྱན་གསལ་བ་ཉིད།། ཚིག་གིས་མི་ཕེབས་དབྱིབས་དང་རྒྱ། ཁ་དོག
135b6 དབང་པོ་སྤྱོད་ཡུལ་མིན།། ཀུན་སྣང་གཅིག་ཏུ་རྣམ་བྲལ་བ།། དེ་ཉིད་དེ་དག་ཡུལ་ཀུན་དང་།། ཕྱོགས་དུས་ཕྱོགས་རྣམས་བསྟན་པའི་སྒོ།། ཐ་སྙད་ཚིག་ལས་འདས་པའོ།། འདི་ལྟར་བསྟན་ཅིང་བརྟག་དཀའ་ལ།།
iiif viewer powered by OpenSeadragon
