| e-texts navigator |
| Wylie |
134b1 གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས། ཐེག་ལེ་རྒྱ་མཚོ་གནས་ལ་འཇུག་པའི་རྒྱུད་ལས། ཆོས་ཉིད་བསྟན་པའི་ལེའུ་སྟེ་བཞི་པའོ།། །། དེ་ནས་བྱང་ཆུབ་སེམས་ཀུན་གྱིས།། སྡོམ་པ
134b2 གཉིས་མེད་རྒྱ་ཆེན་པོར།། ཐམས་ཅད་ཆོས་ཀྱི་དེ་བཞིན་ཉིད།། ཀུན་ཏུ་བཟང་པོ་ཆོས་རྣམས་ཀུན།། ཐབས་ཀྱིས་གྲོལ་བའི་དོན་ཇི་བཞིན།། ཚོགས་རྣམས་ཀུན་ལ་སྟོན་པར་མཛད།། བྱང་ཆུབ་སེམས་ཀྱི་དཀྱིལ་འཁོར
134b3 འདི།། ཚུལ་ཁྲིམས་སྡོམ་པ་མ་ལུས་ཀུན།། སྤྱོད་ཚུལ་བཟང་པོ་རྫོགས་བྱེད་པས།། ཐབས་ཀྱི་ཐེག་པ་ཁྱད་པར་མཆོག། དེ་བཞིན་རྟགས་དང་རྣམ་བརྟགས་པའོ།། ལས་ཀྱི་བྱ་བས་ཇི་སྙེད་པར།། སོ་སོའི་ཐེག་པ་སྣ
134b4 ཚོགས་པས།། དོན་མཐུན་སྣོད་ཀྱི་རིམ་པ་བཞིན།། ལུས་ཀྱི་སྡོམ་པ་རྣམ་གསུམ་དང་།། ངག་གི་སྡོམ་པ་རྣམ་གསུམ་དང་།། ཡིད་ཀྱི་སྡོམ་པ་རྣམ་གསུམ་དང་།། རྣམ་གྲོལ་ཐེག་པ་ཀུན་གྱི་གཞི།། མ་བཅོས་ཁྱད་པར
134b5 ལས་བྱུང་བའི།། སྒོ་གསུམ་མངོན་པར་འདུ་བྱེད་པ།། འདི་ཡིས་རབ་ཏུ་གྲོལ་བྱེད་ཅིང་།། ཐེག་པ་ཀུན་གྱི་རྩ་བར་བསྔགས།། སོ་སོ་ཐར་པའི་སྡོམ་པ་དང་།། བྱང་སེམས་ཚུལ་ཁྲིམས་རྒྱ་ཆེན་པོ།། མ་ལུས་ཀུན་སྦྱོར
134b6 ཡུལ་དུ་གནས།། དེ་དག་ཐེག་པའི་ཁྱད་པར་མཆོག། སངས་རྒྱས་ཀུན་གྱིས་དགོངས་མཛད་དོ།། སྤྱོད་པ་ཐབས་བཅས་གསང་བའི་ཚུལ།། དེ་ལྟར་ཕ་རོལ་ཕྱིན་སྡོམ་པ།། སྔགས་ཀྱི་ཐེག་པ་གྲངས་མེད
iiif viewer powered by OpenSeadragon
