| e-texts navigator |
| Wylie |
133b1 ཤེས་རང་སྣང་བ།། སངས་རྒྱས་དཀྱིལ་འཁོར་ཉིད་ཀྱི་གཟུགས།། ཇི་སྙེད་རབ་ཏུ་བརྟག་བྱས་པ།། དེ་རྣམས་རང་ལས་གཞན་དུ་མིན།། འཇིག་རྟེན་སྒྲོན་མ་དམ་པ་ཡིས།། རང་གི་བསྟན་པ་གསལ་བྱས་ཏེ།། དེ་དག
133b2 གནས་འཇུག་རྟོག་གྲོལ་ཡང་།། ཐབས་ཀྱི་ཕྱག་རྒྱ་གཞིར་སྣང་བའོ།། དུས་རྣམས་ཀུན་ཏུ་ང་ཡི་དབྱིངས།། ཡེ་ཤེས་ཆེ་ལས་གཞན་མི་བསྐྱོད།། དེ་དག་ཇི་ལྟར་འདུལ་བ་བཞིན།། ཐེག་ཀུན་རྒྱུད་ཆེན་འདི་ལས
133b3 འབྱུང་།། སངས་རྒྱས་ཞིང་ཁམས་བསམ་ཡས་སུ།། སངས་རྒྱས་ཀུན་སོགས་དཀྱིལ་འཁོར་ཆེ།། ཡེ་ནས་མ་བཅོས་བྱང་ཆུབ་སེམས།། རང་བཞིན་ངོ་བོ་སྣང་བ་ཉིད།། དུས་གསུམ་སངས་རྒྱས་ཀུན་གྱིས་ཀྱང་།། བྱང
133b4 ཆུབ་སེམས་ལ་ཕྱག་འཚལ་ཞིང་།། རང་བཞིན་མི་གཉིས་བཟུང་བྱེད་དོ།། མཆོད་བསྟོད་འདུད་ཅིང་ཆེ་བ་བརྗོད།། ཆོས་རྣམས་མ་ལུས་རྣམ་བརྟགས་ན། ཁ་དོག་མེད་ཅིང་དབྱིབས་དང་བྲལ།། དེ་བཞིན་གཟུགས
133b5 བཅོས་ཆོས་རྣམས་དང་།། ཞེན་རྟོག་མཐའ་ལས་རྣམ་གྲོལ་ཞིང་།། ཕྱི་རོལ་འབྱུང་སོགས་ཁམས་རྣམས་དང་།། ཡུལ་ཀུན་རང་གི་གནས་ཀྱིས་སྟོང་།། དེ་འཛིན་ཤེས་པ་དང་ལྡན་པའི།། འགྲོ་རྣམས་ཕུང་པོ་ཁམས་དག
133b6 དང་།། སྐྱེ་མཆེད་ཆོས་ཀུན་མཐའ་དག་དང་།། དུས་ཀུན་དུ་ནི་མ་གྲུབ་ཕྱིར།། སངས་རྒྱས་ཀུན་གྱིས་མ་གཟིགས་པས།། དེར་བཅས་ཆོས་རྣམས་ཐམས་ཅད་ཀུན།། རང་གི་ངོ་བོས་རྣམ་པར་དབེན།། འགྲོ་རྣམས་ཞེན
iiif viewer powered by OpenSeadragon
