| e-texts navigator |
| Wylie |
133a1 ཀུན།། ཐེ་ཚོམ་རྟོག་པའི་དྲ་བས་བསྒྲིབས།། དོན་ཀུན་སླར་ཡང་གསོལ་བ་འདེབས།། བཅོམ་ལྡན་སྙིང་པོའི་དཀྱིལ་འཁོར་འདིར།། རྒྱ་ཆེན་ཐེག་པའི་ཚུལ་རྣམས་ཀྱིས།། འགྲོ་རྣམས་ཁམས་དང་སྐྱེ
133a2 མཆེད་ཚོགས།། དབང་པོའི་བྱེ་བྲག་ཚིམ་འགྱུར་ཏེ།། རང་གི་འབྲས་བུ་རྫོགས་པར་སྣང་།། དེ་ལས་བསྟན་པའི་དོན་གསང་བའི།། རྒྱལ་བ་རྣམས་ཀྱི་དགོངས་པའི་མཆོག། རིགས་རྣམས་ཡེ་ཤེས་ཆེན་པོར་འགྱུར།། དེ
133a3 ཉིད་ཚུལ་རྣམས་ཇི་ལྟ་བུ།། བློ་གྲོས་ཞེན་པའི་འགྲོ་བ་དག། མ་འོངས་དུས་སུ་འཇུག་འགྱུར་ཅིང་།། བདེ་གཤེགས་ཡུལ་ལ་སློབ་པ་རྣམས།། ཐབས་ཀྱི་ཕྱག་རྒྱ་གསང་བའི་སྒོས།། ཤེས་རབ་ཡེ་ཤེས་འབྲེལ་པའི
133a4 ཚོགས།། ངོ་བོ་ཉིད་པའི་དོན་སྟོན་མཛད།། དུས་འདིར་རྒྱས་པའི་ཚུལ་གྱིས་ནི།། དབང་བསྐུར་ལས་ནི་གསང་བའི་དོན། ཁྱོད་ཀྱི་ཐུགས་རྗེ་བརྩེ་བ་ཅན།། རྗེས་འཇུག་འཁོར་རྣམས་གཟུང་བར་མཛོད།། དེ་ལྟར་ཡང
133a5 དང་ཡང་དག་ཏུ།། གསོལ་བཏབ་ཕྱག་འཚལ་བསྟོད་བྱེད་ཅིང་།། གསང་བ་བླ་ན་མེད་པའི་རྒྱུད།། དོན་ཀུན་ངོ་བོས་སྟོན་བྱེད་པ།། མཐར་ཕྱིན་ཆོས་ཀྱི་དོན་ལས་བྱུང་།། དེ་ཉིད་རྒྱས་པར་གསོལ་འདེབས་སོ།། དེ
133a6 ཕྱིར་ཐམས་ཅད་མཁྱེན་པ་གཙོ།། རང་བྱུང་བདེ་གཤེགས་རིགས་རྣམས་དང་།། དཀྱིལ་འཁོར་ཆེན་པོའི་ལོངས་སྤྱོད་ཅིང་།། རྒྱུད་འདི་ཀུན་ཏུ་རྒྱས་པར་སྟོན།། ཞིང་ཁམས་བསམ་གྱིས་མི་ཁྱབ་པར།། སྣོད་བཅུད་ཡེ
iiif viewer powered by OpenSeadragon
