| e-texts navigator |
| Wylie |
132b1 ཉིད།། མི་གཡོ་མི་འགྱུར་བསྙད་པ་ཀུན་དང་བྲལ།། ཟིན་པའི་བདུད་རྩིས་རྩོལ་བའི་སྡུག་བསྔལ་འཇོམས།། བྱ་བྲལ་ཡུལ་ལ་ཀུན་ཏུ་ཇི་བཞིན་གནས།། མ་བཅོས་མཚན་མའི་རྟོག་ཚོགས་མཐའ་རྣམས་ཀུན་དང
132b2 བྲལ།། ཟིན་པའི་མ་འགགས་ཡོན་ཏན་དུས་གསུམ་འབྲི་བ་མེད།། མ་སྤངས་ཉེས་ཚོགས་རྟོག་པའི་ཡུལ་རྣམས་དག། སྒྲིབ་མེད་ཕྱི་ནང་ཀུན་ཏུ་ཡེ་ཤེས་ཆེན་པོའི་གནས།། རྩོལ་སྒྲུབ་མཐའ་འདས་སངས་རྒྱས་ཀུན་ཏུ
132b3 བཟང་།། ཡེ་ནས་རྣམ་བཀོད་ལྷུན་གྱིས་གྲུབ་པའི་ཆོས།། དེ་དག་དེ་རྒྱུད་རང་གི་རྣམ་དག་སྟོན།། ཐིག་ལེ་ཆེན་པོར་ཆོས་རྣམས་སྤྲོས་པ་མེད།། དེ་དག་བྱང་ཆུབ་སེམས་ཀྱི་རང་བཞིན་ལ།། རང་བཞིན་ངོ་བོ་ཡུལ་ཀུན
132b4 གསལ་བར་སྟོན།། ཐམས་ཅད་བྱེད་དང་བྱ་བའི་ཆོས་རྒྱུད་ལས།། སྐྱེ་འགག་རྣམ་བརྟགས་རང་བཞིན་དོན་གྱིས་བྲལ།། ཡུལ་དང་ཡུལ་ཅན་མཚན་མའི་ཐ་སྙད་དེ།། བསམ་རྟོག་ཀུན་ལས་འདས་པའི་ཡེ་ཤེས
132b5 ཉིད།། ཅེས་གསུངས་སོ།། རྫོགས་པ་ཆེན་པོ་བྱང་ཆུབ་ཀྱི་སེམས། ཐེག་ལེ་རྒྱ་མཚོ་གནས་ལ་འཇུག་པའི་རྒྱུད་ལས། དེ་ཁོ་ན་ཉིད་ཀྱི་དོན་གཏན་ལ་འབེབས་པའི་ལེའུ་སྟེ་གསུམ་པའོ།། །། དེ་ནས་འཁོར་གྱི
132b6 བདེ་གཤེགས་རྣམས།། སྟོན་པའི་བསྟན་པས་ཚིམ་གྱུར་ཞིང་།། དགའ་མགུ་ཡི་རང་བསྟོད་བྱས་ཏེ།། རྒྱུད་མཆོག་སྙིང་པོ་བཟུང་བར་བྱེད།། དེ་ཚེ་བྱང་ཆུབ་སེམས་དཔའི་འཁོར།། མང་པོ་འདུས་པ་ཐམས་ཅད
iiif viewer powered by OpenSeadragon
