| e-texts navigator |
| Wylie |
131a1 རིམ་པ་སྣ་ཚོགས་ཀུན།། རང་གི་འབྲས་བུ་ཇི་ལྟར་འགྲུབ།། ཡེ་ནས་ལྷུན་གྱིས་གྲུབ་པ་ལ།། རྩོལ་བཅས་བྱ་བ་མི་སྐྱེད་དམ།། ཐིག་ལེ་ཆེན་པོ་ལྷུན་གྲུབ་ཏུ།། ཆོས་རྣམས་མ་བཙལ་རྫོགས་པ་ཉིད།། དེ
131a2 ལས་དེ་བྱར་སྒྲུབ་པའི་ཆོས།། ངོ་བོ་གཅིག་པ་ཇི་ལྟར་འབྱུང་།། ཆོས་ཉིད་དབྱིངས་དང་དབྱིངས་རྣམ་དག། ཡེ་ཤེས་ཀུན་ཏུ་བཟང་པོའི་ཚོགས།། ལྷུན་གྱིས་གྲུབ་པའི་དོན་ཇི་ལྟར།། ཐིག་ལེ་ཆེན་པོར་དང་རྫོགས
131a3 པ།། མི་འཇིགས་གཟུང་བ་རྣམ་བྲལ་བའི།། བྱ་བྲལ་ཆོས་ཀུན་ཇི་ལྟར་རྫོགས།། རྒྱུད་ཆེན་གསང་བ་འདིར་འཇུག་པའི།། བསྟན་པའི་སྒོ་རྣམས་ཇི་ལྟ་བུ།། དེ་ཡི་མཚན་དོན་ལས་རྣམས་དང་།། ལམ་ཟླ་ཐེག་པ་རྫོགས
131a4 པའི་དོན།། ཐབས་ཀྱི་ཕྱག་རྒྱ་ཀུན་གྱི་ཚུལ།། དམ་པ་རྣམས་ཀྱིས་བརྟག་དཀའི་ཆོས།། དམན་འཇུག་གྲོལ་བ་བཟུང་བའི་གནས།། ཐམས་ཅད་ཐམས་ཅད་ལས་བྱུང་བ།། དུས་འདིར་བསྟན་པའི་གནས་ཆེན
131a5 ཡིན།། ཞེས་བློ་གྲོས་མཐུན་པའི་སྒོ་ནས་རྩེ་གཅིག་གསང་བའི་གསོལ་བ་བཏབ་པའོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཐིག་ལེ་རྒྱ་མཚོ་གནས་ལ་འཇུག་པའི་རྒྱུད་ལས་ཞུས་པའི་ལེའུ་སྟེ་གཉིས
131a6 པའོ།། །། དེ་ནས་སངས་རྒྱས་ཀུན་གྱིས་བསྟོད་བྱས་ཤིང་།། ཕྱོགས་རྣམས་དབང་བསྐུར་རང་གི་གསང་སྔགས་སྟོན།། ཞིང་ཁམས་མཐའ་ཀླས་མཆོག་གི་དཀྱིལ་འཁོར་སྦྱོར།། མྱ་ངན་རྦ་ཀློང་རྣམ་རྟོག་དྲ
iiif viewer powered by OpenSeadragon
