| e-texts navigator |
| Wylie |
130b1 བདེ་གཤེགས་ཀུན་གྱི་སྐུ།། དགོངས་པ་ཀུན་ལྡན་དགོངས་པས་མཉེས་གྱུར་ནས།། ཤེས་རབ་དབྱིངས་དང་གཉིས་མེད་སྦྱོར་བའི་མཐུས།། དཀྱིལ་འཁོར་སྣ་ཚོགས་ཀུན་ཏུ་སྤྲུལ་བྱེད་ཅིང་།། ཐབས་ཀྱི་ཕྱག་རྒྱ་ཐེག་པ
130b2 སྣ་ཚོགས་སྟོན།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས། ཐིག་ལེ་རྒྱ་མཚོ་གནས་ལ་འཇུག་པའི་རྒྱུད་ལས། བསྟན་པའི་སྒོར་སྣང་མཛད་པའི་ཚུལ་དེ་ལེའུ་སྟེ་དང་པོའོ།། །། དེ་ནས་འཁོར་གྱི་གཙོ་བོ
130b3 མཆོག། རིགས་ཀྱི་རྒྱལ་བ་སངས་རྒྱས་ཀུན།། རང་གི་དཀྱིལ་འཁོར་སྣང་མཛད་ཅིང་།། གཉིས་མེད་སྦྱོར་བས་གཙོ་མཆོག་བསྐུལ།། མཆོག་བལྟས་མཆོག་ཏུ་གྱུར་པ་ཡིན།། རྩེ་མོ་རྒྱུད་འདི་ཇི་ལྟ་བུ།། བྱང་ཆུབ་སེམས
130b4 ཀྱི་ཆེ་བ་དང་།། རང་བཞིན་ཇི་ལྟར་གནས་པ་ཉིད།། ཆོས་རྣམས་ཀུན་གྱི་གཞིར་གྱུར་ཞིང་།། ལམ་རྒྱུད་དེ་ཡི་འཐད་པ་གང་།། ངོ་བོ་སྨྲ་བསམ་ལས་འདས་པ།། ལྟ་བ་རྣམ་དག་ཚུལ་ཇི་ལྟ་བར།། སྒོམ་པ་པོ་ལ་གདམས
130b5 པ་དང་།། སྤྱོད་པ་དོན་ཉིད་མི་སྐྱེ་བར།། མཚོན་བྱེད་དཔེ་ལས་ཡང་དག་འདས།། དེ་དག་བློ་གྲོས་དཔེ་གང་ཡིན།། ཐམས་ཅད་མཁྱེན་པའི་ཡེ་ཤེས་དང་།། ལྷ་སྒོམ་འབྲེལ་པ་ཚུལ་ཇི་ལྟར།། འཐད་པ་གཏན་ཚིགས
130b6 དང་བཅས་པས། ཁྱད་པར་དཀའ་དོན་སྒྲུབ་པར་བྱེད།། ལྟ་བ་ཀུན་ཏུ་བཟང་པོ་ཉིད།། སྤྱོད་པ་ལ་སོགས་རྒྱུད་འཇུག་པ།། མ་འདྲེས་ཡོངས་སུ་རྫོགས་པའི་ཚོགས།། ཐབས་ལ་མཁས་པས་ཡུལ་ཇི་ལྟར།། ཐེག་པའི
iiif viewer powered by OpenSeadragon
