| e-texts navigator |
| Wylie |
12b1 དམ་པའི་དེ་ཁོ་ན་ཉིད་ལས། ཉོན་མོངས་རྣམ་པར་དག་པའི་དཀྱིལ་འཁོར་ཆེན་པོ་ལྔའི་རང་བཞིན་ཡིན་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས། དངོས་གྲུབ་སྡུད་པའི
12b2 ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། སྐུ་གསུང་ཐུགས་ཀྱི་དཀྱིལ་འཁོར་རྨད།། དངོས་གྲུབ་མཆོག་གི་སྙིང་པོ་ནི།། བཅོམ་ལྡན་འདས་ཏེ་ནརྀ་ཡི་སྐུ།། ནརྀ་ཐལ་རྒྱལ་པོ་རྡོ་རྗེ
12b3 འཛིན།། གསང་སྔགས་སྙིང་པོ་ཀུན་བསྡུས་པ།། འགྲོ་ལྔ་ལ་ཡངས་བདུད་བཞིར་ལྡན།། ལུས་དང་ངག་དང་སེམས་རྣམས་ནི།། རང་ས་ཉིད་ན་མི་དམིགས་ཏེ།། གང་ནའང་མི་གནས་མཉམ་པ་ཉིད།། སྐུ་གསུང་ཐུགས
12b4 ཏེ་རྡོ་རྗེའི་སྐུ།། འཇིག་རྟེན་ཁམས་ནི་མཐའ་ཀླས་པར།། སངས་རྒྱས་རྒྱལ་བས་བཙལ་དཀའ་བས།། མཁའ་དབྱིངས་དག་པའི་དབུས་གནས་པར།། དཀྱིལ་འཁོར་ཧཱུཾ་དུ་ཀུན་འདུས་ཕྱིར།། ཙིཏྟ་ཧཱུཾ་དུ་རྣམ་པར
12b5 བསྒོམ།། རང་གཟུགས་ཧཱུཾ་དུ་རབ་ཏུ་བརྟགས།། ཧཱུཾ་གི་དཀྱིལ་འཁོར་འོད་མོ་ཆེ། ཁ་དོག་རྣམས་ལ་འཕྲོ་བས་བསམ།། རྡོ་རྗེ་སེམས་དཔའ་རྒྱལ་བའི་གཙོ།། ཙིཥྛ་ཧཱུ~ཾ་དེ་དེ་མ་ཟག། སྐུ་གསུང་ཐུགས་ཀྱི་རྡོ་རྗེ
12b6 འཛིན།། གཙོ་བོ་ཧཱུཾ་དེ་དབང་ཕྱུག་མཆོག། རིགས་ཀྱི་དཀྱིལ་འཁོར་ཟམ་ཅད་ཀྱི།། སྐུ་རྣམས་སྙིང་པོ་ཧཱུཾ་ལས་འདུས།། ཡི་གེ་མཆོག་ཏུ་གྱུར་པའི་ཧཱུཾ།། ཕུང་པོའི་དབུས་ན་འོད་འབར་ཏེ།། ཞིག་པས་རྡོ་རྗེ་རྩེ་ལྔ
iiif viewer powered by OpenSeadragon
