| e-texts navigator |
| Wylie |
127b1 རང་འབྱུང་མཁའ་ལྟར་ཁྱབ།། སྐྱེ་མེད་ལུས་ནི་རྡོ་རྗེའི་སྐུ།། བདེ་བའི་ཐབས་ཀྱིས་བསྒྲུབ་པར་བྱ།། བེམས་པོའི་རླུང་ཉིད་ལུང་བསྟན་པ།། སྡུད་དང་དངས་པའི་རླུང་དེ་ཉིད།། ལུས་གཟུངས་རླུང་ལ་བསྟིམ་པར
127b2 བྱ།། དངས་མའི་ལུས་གཟུངས་བཅུད་དུ་འདྲེས།། མི་ཤིགས་རླུང་དང་གཅིག་ཏུ་གྱུར།། ཟ་བའི་ཁམས་དང་བྲལ་གྱུར་ནས།། ཐུན་མཚམས་ཟས་ལ་རྟེན་པས་ནི།། ཐིག་ལེ་འཁྱིལ་བའི་སྒོ་ཕྱེ་ནས།། སྲོག་གཟུངས་བཅུད
127b3 དང་འདྲེས་གྱུར་ཏེ།། རིན་ཆེན་རྫིང་གི་དན་རྒྱུའི་ལམ།། བུ་ག་གཉིས་པ་ལན་ཆོད་དུ།། རྡོ་རྗེ་ཏིལ་འབྲུའི་གཟུགས་སུ་འཁྱིལ།། ཡེ་ཤེས་རླུང་དང་ཁུ་བ་ཁྲག། དངས་པ་འཁྱིལ་པ་བདེ་བའི་བཅུད།། ཡོངས་སུ་འཁྱིལ
127b4 པར་རང་འབར་གཟུགས།། སྙིགས་མ་བྲལ་ན་སྟོབས་དང་ལྡན།། རང་བྱུང་བདེ་བ་ཆེན་པོའི་ཟས།། མི་འགྱུར་བདེ་བ་ལྷུན་གྱི་ཚེ།། ཐོབ་ནས་རང་འབྱུང་ལྷུན་གྲུབ་ཏུ།། སྐད་ཅིག་དེ་ལ་འགྲུབ་པར་བྱ།། འདི་ནི་རབ
127b5 འབྲིང་མཐུན་མཚམས་ཀྱིས།། ངེས་པར་འགྲུབ་སྟེ་གཞན་དུ་ན།། ཟླ་བ་བཞི་ཡིས་གདོན་མི་ཟ།། འདི་ནི་ངོ་མཚར་ཡ་མཚན་གྱི།། རྨད་བྱུང་ཐབས་ཀྱི་འཕྲུལ་ཆེན་ཡིན།། བདེ་གཤེགས་མ་ལུས་དགོངས་པ་ཡི།། རྒྱལ
127b6 བཔབ་རྣམས་ནི་ཀུན་གྱི་བཅུད།། རྡོ་རྗེ་ཟམ་པ་རྣ་བརྒྱུད་འདི།། བསྟན་པ་ཀུན་གྱི་ཉིད་ཁུ་འདི།། བཀའ་ཡི་རྒྱལ་པོར་ཕྱུང་བ་སྟེ།། རྒྱུད་ཀྱི་རྒྱལ་པོ་ལུང་གི་མདོ།། མན་ངག་སེམས་ཀྱི་ཚད་འཛིན་པ།། བསྟན་པའི་འཁོར་ལོ
iiif viewer powered by OpenSeadragon
