| e-texts navigator |
| Wylie |
126a1 དབུགས་བཅུད་ཉིད་དུ་བསྲེ།། དེ་ལ་མཐུན་པའི་རྟགས་འབྱུང་སྟེ།། རེག་པས་ལུས་ཟུང་རྒྱས་འགྱུར་ཏེ།། བདེ་བ་ཆེན་པོའི་ཡེ་ཤེས་སྐྱེ།། ན་ས་སྒོ་དང་དབང་པོའི་ལམ།། ཀུན་ཏུ་སྤྱོད་ནུས་འཇུག་ལྡང
126a2 མེད།། འཕོ་བ་མེད་པའི་དགག་པའང་འགྲུབ།། དབང་པོའི་ལམ་ནས་རང་རིག་ཏུ།། ཡེ་ཤེས་ཆེན་པོའི་འདྲེས་ནས་འབར།། དེ་ཉིད་སྟོབས་ཀྱི་མ་ལུས་འདྲེས།། བསྐལ་པ་དུ་མའི་དབུགས་ཀྱང་བསྡུད།། གནོད་པ་མེད
126a3 པར་གདམས་པའང་འགྲུབ།། འདི་ནི་ཐབས་ཆེན་གང་བའི་ལས།། བདེ་བ་ཆེན་པོར་རྒྱས་ཐེབས་པས།། རོལ་པའི་ཀློང་དུ་ཕེབས་པ་ཡིན།། དེ་ནས་བདག་ཉིད་རང་འབྱུང་གི། བདེ་བ་ཆེན་པོའི་ཐིག་ལེར་འཆར་ཡང
126a4 གསལ།། རང་གི་མཚན་ཉིད་མ་བཅོས་པའི།། བདེ་བའི་དཀྱིལ་འཁོར་རང་ལུས་གསལ།། རང་བྱུང་བདེ་བའི་ཕུར་པས་ཐེབས།། ཕྱོགས་བཅུ་མ་ལུས་ཐམས་ཅད་ཀུན།། ཡེ་ཤེས་ཆེན་པོའི་འོད་ཀྱིས་ཁྱབ།། ཡེ་ཤེས་སྐུ
126a5 ཡི་འོད་ལ་ཞུགས།། རང་བྱུང་གསུང་གི་ཟེར་ལ་རོལ།། ལྷུན་གྲུབ་བདེ་བ་ཆེན་པོའི་ཐུགས།། མི་འགྱུར་ཡེ་ཤེས་རླུང་དུ་ཕེབས།། དེ་ནས་བདེ་ཆེན་འཁོར་ལོ་བསྐོར།། རང་བྱུང་ཡེ་ཤེས་རྣམ་པའི་ལུས།། རང་གི་མཚན
126a6 ཉིད་མ་བཅོས་པ།། བདེ་བ་ཆེན་པོར་སྐུ་གསུམ་ཐིག་ལེར་ཤར།། བདེ་བ་ཆེན་པོར་རང་རིག་ཉིད་དུ་འགྲུབ།། མ་བཙལ་རྫོགས་པའི་ཡེ་ཤེས་སྐུ།། བཀྲག་གསལ་བདེ་བ་ཆེན་པོའི་གཟུགས།། རང་རིག་སྒྱུ་མའི་ཡེ་ཤེས
iiif viewer powered by OpenSeadragon
