| e-texts navigator |
| Wylie |
125b1 བཅུ་གཉིས་ཏེ།། ཀུན་འདར་འཕོ་བ་གཅིག་ཡིན་ཏེ།། སྙིགས་མ་བཅུ་ཡི་གཅིག་འཕོ་ཡིན།། དྭངས་མའི་འཕོ་བ་བསྟན་པར་བྱ།། འདི་ཉིད་རིམ་པ་འདི་ཡིན་ཏེ།། ཡེ་ཤེས་འཇའ་ཚོན་ལྟ་བུའི་འོད།། བདེ་བ་ཆེན་པོའི་ཡེ
125b2 ཤེས་ཏེ། ཁམས་གསུམ་རང་འབྱུང་ཆེན་པོ་སྟེ།། མི་གཡོ་ཐིག་ལེ་དག་བྱས་ཏེ།། རྔུབས་པས་རྐྱལ་བ་དྲུད་པ་ལྟར།། སྤྲོས་པ་དེ་ཉིད་བཤོས་པ་ལྟར།། ཡེ་ཤེས་རླུང་གིས་སྟོང་པར་བྱ།། ཨ་པདྨ་འདས་ནས་ལྡང་གི
125b3 བར།། གཡོ་མ་རང་བྱུང་ཐིག་ལེ་བྱ།། དེ་ནས་ཐིག་ལེའི་རྟགས་འབྱུང་སྟེ། ཁམས་སྙོམས་རང་ལུས་བདེ་བ་རྒྱས།། ཉམས་དང་བྲལ་ནས་མཁའ་ལ་འདུག། ཚོར་བ་བདེ་བ་ཆེན་པོར་སྐྱེ།། རྒྱུ་བ་གསལ་ཞིང་བྱེ་བྲག
125b4 ཤེས།། དེ་ནས་བདེ་བ་འཕྲོ་བ་ཡི།། ཡེ་ཤེས་རླང་ལ་རྔུབ་པར་བྱ།། དེ་ཉིད་ཐབས་ཀྱི་ཡེ་ཤེས་དགུག། དཔེར་ན་རགས་པ་གྱེན། བཻ་འགྱུའི། རླུང་།། ཀུན་འདར་ཕྲ་བའི་རླུང་བཞིན་དུ།། གསང་བའི་པདྨའི་ལྟོ་བ
125b5 ནས།། ན་ས་འདུས་པའི་ལྟོ་བ་ནས།། ཤིན་ཏུ་ཕྲ་ཞིང་ངལ་བ་ཡི།། ཡེ་ཤེས་རླུང་གི་ལྷུན་གྲུབ་པ།། བདེ་བ་ཆེན་པོའི་རྒྱུ་བ་བྱ།། རླུང་གི་ཐུན་ཕྱེད་ཕྱེད་དག་ཏུ།། སྟོབས་ཀྱིས་སྡང་བར་ནུས་འགྱུར་ན།། དེ་ནས་རྒྱུ་བ་མེད
125b6 པ་བསླབ།། ལུས་བསྲང་བདེ་བའི་བག་ཡངས་ཀྱིས།། ཨོཾ་དང་ཧཱུཾ་དུ་སྦྱར་བྱས་ཏེ།། གསང་བར་ལྟེ་བར་དམིགས་བྱ་སྟེ།། རྔུབ་དང་འབྱུང་བའི་རིམ་གྱིས་ཏེ།། གནས་པའི་བདེ་བ་རྒྱས་པར་བཟུང་།། ལུས་ཟུངས
iiif viewer powered by OpenSeadragon
