| e-texts navigator |
| Wylie |
125a1 པ།། བདེ་བའི་རོལ་པས་བསྒྲུབ་པ་བྱ།། རླུང་དང་རྟོག་པ་བསླད་པ་ཡིས།། རྒྱུན་དང་བཅས་པའི་ཡེ་ཤེས་ཏེ།། བདེ་ཆེན་ཡེ་ཤེས་རླུང་དུ་དཔག། རླུང་ནི་རྣམ་པ་གཉིས་ཡིན་ཏེ།། རིག་པའི་རླུང་དང
125a2 བེམས་པོའོ།། བེམས་པོ་ལ་ནི་རྣམ་གསུམ་སྟེ།། སྲོག་འཛིན་ཤེས་པའི་རྟེན་ཉིད་དང་།། ལུས་ཟུངས་བཅུད་དང་འདྲེས་པ་དང་།། སྙིགས་མ་ལུས་ཀྱི་ལས་བྱེད་པ།། གྱེན་དུ་རྒྱུ་དང་ཐུར་དུ་རྒྱུ་བའོ།། རིག་པའི་རླུང་ནི
125a3 གཅིག་ཡིན་ཏེ།། བྱེ་བྲག་བརྒྱད་དང་དཔག་མེད་པའི།། རླུང་ནི་གཅིག་གི་འཕེན་པ་ཡིན།། རྟེན་པ་ལས་རླུང་ཟིན་གྱུར་ན།། ཀུན་ཀྱང་རིག་པ་ཟིན་པ་ཡིན།། བདེ་བའི་རོལ་པ་ཡེ་ཤེས་སྐུ།། འབད་རྩོལ་བྲལ་བའི་བདེ།
125a4 ཆེན་ལས།། ལྷུན་གྲུབ་ཐབས་ལ་རྟེན་པས་གྲུབ།། ཡེ་ཤེས་རང་རིག་ཆེན་པོ་སྟེ།། ངང་གི་མི་ལྡོག་ཐབས་ཀྱི་མཆོག། སྐལ་ལྡན་ཡེ་ཤེས་རྒྱལ་པོ་དེས།། བར་པའི་ཐུན་མཚམས་བཅུ་གཉིས་ཀྱིས།། ཡེ་ཤེས་རིག་པའི
125a5 ཕུར་པས་ཐེབས།། རྟོག་པ་གཞོན་པའི་རླུང་དང་འཕྲད།། འདོད་པ་དམིགས་པའི་ཡུལ་དང་འཕྲད།། མཐར་ཕྱིན་དུས་མཚམས་གཅིག་གིས་ཀྱང་།། ཡེ་ཤེས་ཐིག་ལེའི་དངོས་གྲུབ་ཐོབ།། བདེ་བ་ཆེན་པོར་སྦྱར
125a6 བའི་ཐབས།། འདི་ནི་ཐར་པའི་ལམ་མཆོག་སྟེ།། རྒྱུ་འབྲས་མེད་པའི་མཐར་ཕྱིན་ནི།། དང་པོ་རིག་པའི་རླུང་གཟུང་སྟེ།། ཉོན་དང་མཚན་གྱི་ཐུན་གཉིས་ལ།། ཉི་ཁྲི་ཆིག་སྟོང་དྲུག་བརྒྱ་བཅུ།། འཕོ་བའི་ཐུན་མཚམས
iiif viewer powered by OpenSeadragon
