| e-texts navigator |
| Wylie |
124b1 མེད།། དྲན་རྟོག་མི་འགྱུར་གསལ་བའི་ཐུགས།། སྐུ་གསུང་ཐུགས་ཀྱི་ཕྱག་རྒྱ་ཅན།། འདོད་སོགས་ཏིང་འཛིན་བདེ་བའི་རོ།། ཡན་ལག་ཏིང་འཛིན་སྟོབས་དང་བཅས།། མི་རྟོག་བདེ་བ་གཅིག་ཏུ་འཁྱིལ།། མ་ལུས་ཀུན
124b2 གྲུབ་དབྱེ་བ་ཅན།། མི་རྟོག་ཡེ་ཤེས་བདེ་བའི་ཐུགས།། དཔག་མེད་ཏིང་འཛིན་འབུམ་ཕྲག་སྒོ།། སྐལ་ལྡན་དང་པོ་ཉིད་ནས་རྫོགས།། རྒྱུ་དྲུག་འགྲོ་བ་མ་ལུས་པའི།། ལུས་སྣང་རྣམ་པ་ཇི་སྙེད་པ།། གཟུགས་སྣང
124b3 རགས་པས་བསྡུས་པ་ཀུན།། ཐམས་ཅད་འཁྱིལ་པའི་ཡེ་ཤེས་སྐུ།། ཚད་ལས་འདས་པའི་སྐུ་རྫོགས་ཏེ།། མ་ལུས་འདུས་པ་སྐུ་ཡི་བཅུད།། གྲགས་སྟོང་འཛིན་པ་ཆགས་བྲལ་གསུང་།། རྒྱུ་དྲུག་སྒྲ་སྐད་ལ་སོགས
124b4 ཏེ།། རབ་འབྲིང་ཡི་གེ་བརྗོད་པ་རྣམས།། མ་ལུས་སྐྱེ་མེད་རྡོ་རྗེའི་གསུང་།། རྨད་འབྱུང་ལྷུན་གྲུབ་ཆེན་པོ་ཉིད།། མི་རྟོག་བརྡ་འཇལ་ཐམས་ཅད་གོ། ཐམས་ཅད་སྟོན་པའི་རིག་པའི་སྒོ།། སྒྱུ་མ་ཆུ་ཟླ་བདེ་བའི
124b5 ཀློང་།། མི་རྟོག་ཐབས་ཀྱི་ཡེ་ཤེས་འདི།། མ་བཅོས་རང་བྱུང་ཆེན་པོ་ལ།། རྣམ་པའི་ཡེ་ཤེས་ཐབས་ཀྱི་རོལ།། རྒྱལ་བའི་དགོད་པ་ཀློང་བརྡོལ་བའི།། རྣམ་པའི་ཡེ་ཤེས་བདེ་ཆེན་འདི།། མངོན་དུ་སྣང་ལ་མཐོང་བ
124b6 མེད།། རང་ལ་རྫོགས་ན་གྲུབ་པ་མེད།། འདི་དང་བྲལ་ན་རྟོག་པའི་བདག། མཚན་མའི་བདུད་པ་གྲོལ་མི་འགྱུར།། དེ་ནས་སྐལ་ལྡན་རིགས་ཅན་དེས།། བདེ་བ་ཆེན་པོའི་རྒྱས་བཏབ་པའི།། མི་རྟོག་ཡེ་ཤེས་ལྷུན་གྲུབ
iiif viewer powered by OpenSeadragon
