| e-texts navigator |
| Wylie |
124a1 དང་།། མྱ་ངན་འདས་པས་རྒྱལ་བའི་ཐུགས།། མ་ལུས་བདེ་ཆེན་རིག་པའི་ངང་།། ཇི་བཞིན་མ་བཅོས་དང་དུ་གསལ།། ལྷུན་རྫོགས་སྤྲོས་པ་མེད་པ་ཡི།། གཅིག་འདུས་མ་ལུས་ཀུན་གྱི་བདག། རྣམ་པར
124a2 རྟོག་པའི་རྒྱུ་བ་བྲལ།། དུས་གསུམ་བྲལ་བའི་རང་རིག་ཉིད།། རྩོལ་དང་བྲལ་བས་རྒྱུན་མི་འཆད།། རྣམ་རྟོག་མཚན་མ་ཇི་སྙེད་པ།། ཇི་བཞིན་མི་འགྱུར་དེ་ཉིད་གསལ།། གནས་འགྱུར་རྒྱལ་པོའི་ལུང་ཆེན་ཡིན།། བྱེད
124a3 རྩོལ་ཐམས་ཅད་མ་སྤངས་པས།། འཇིག་རྟེན་འདས་དང་འཇིག་རྟེན་པའི།། སེམས་ཀྱི་རིག་པ་མ་ལུས་འདུས།། སྒྲུབ་པའི་ལམ་མཆོག་ཀུན་གྱི་བདག། འདོད་པའི་འབྲས་བུ་ཀུན་དངོས་ཅན།། རྩོལ་སྒྲུབ་དོར་བ་རྒྱུ
124a4 འབྲས་ཀྱི།། ལུས་ཅན་མ་ལུས་ཐམས་ཅད་འདུས།། འདོད་རྩོལ་བྱེད་པ་རྒྱུ་རྐྱེན་བྲལ།། བླང་དོར་མོས་འདོད་རྩོལ་དཀའ་བའི།། མཐར་ཕྱིན་ཆེ་བའི་འབྲས་འདོད་པ།། རྨོངས་པའི་ད་རྒོད་ནམ་མཁའ་ལ།། གསེར
124a5 གྱི་ཐེམས་གས་འཚོལ་དང་འདྲ།། སྡུག་བསྔལ་ལས་གྲོལ་འདོད་སེམས་ཀྱིས།། འདོད་པའི་ལོག་ལྟ་སྤྱི་འབྲེལ་བརྟག། འདི་ནི་རིན་ཆེན་གཏེར་གྱི་དངོས།། དོན་གཅིག་རྣམ་པ་ཀུན་སེམས་བདག། འགྲོ་ལ་མེད་ལྷུན
124a6 གྲུབ་རྣམ་གྲོལ་ལམ།། ཀུན་རྫོགས་ཇི་བཞིན་འབྲས་བུའི་མཆོག། རྒྱུ་འབྲས་དབྱེར་མེད་ཐིག་ལེའི་ངག། བྱ་མེད་ལྷུན་རྫོགས་སེམས་ཀྱི་གཏེར།། དཔེ་བྱད་མཚན་ཆེན་རྒྱན་རྫོགས་ཏེ།། མཚོན་ཆའི་ཕྱག་རྒྱ་དྲི་མ
iiif viewer powered by OpenSeadragon
