| e-texts navigator |
| Wylie |
123b1 དེས་བྱང་ཆུབ་འཚོལ་བྱེད་པ།། ཐབས་ཀྱི་བྱ་བའི་ཚིག་གིས་མིན།། ཞི་དང་རྒྱས་པའི་རང་བཞིན་ཅན།། རྩོལ་བ་མེད་པས་རང་འབྱུང་ཡིན།། དེ་ནི་ལུས་བྲལ་ཡེ་ཤེས་སོ།། རང་འབྱུང་ཡེ་ཤེས་ཀུན་གྱི་བདག། ལུང་བཅུ
123b2 རྫོགས་པའི་ཐིག་ལེ་ཅན།། རང་ཡུལ་རྟོག་པའི་ཡེ་ཤེས་ཏེ།། དེ་བཞིན་ཡེ་ཤེས་བདག་བཞི་ཅན།། རྒྱུ་རྐྱེན་བྲལ་བས་དངོས་གྲུབ་མེད།། ཆོས་ཀུན་ནམ་མཁའི་རང་བཞིན་ཅན།། ལུས་དང་བྲལ་བས་ཡན་ལག
123b3 མེད།། དངོས་གཞི་བཅད་པས་རྟགས་དང་བྲལ།། ཀུན་སྤངས་ཀུན་གྱི་དངོས་གཞི་ཅན།། རྟོག་པའི་གསལ་རླུང་ཡེ་ཤེས་རྒྱུས།། བདེ་ཆེན་ཤར་བའི་ཡེ་ཤེས་རླུང་།། དེ་ཉིད་དེ་ལྡན་དེ་གྲུབ་སྟེ།། གཡོ་བ་མེད་པར་ཀུན
123b4 ཁྱབ་ཅན།། ཤར་བ་མེད་པར་ཀུན་ཏུ་གསལ།། འདི་ནི་སྨོན་ལམ་ཤེས་པ་བཞིན།། རྒྱུད་བཞི་བྲལ་བའི་རང་རིག་དེ།། རྒྱུ་ལ་རྩལ་འཛིན་ཐབས་སུ་འཕྲོ།། རིག་པའི་རང་གསལ་བདེ་བར་འཁྱིལ།། སྤྲོས་པ་མ
123b5 བཀག་ཐིག་ལེར་སྡུད།། མ་བཅོས་ལྷུན་གྲུབ་ཆེན་པོར་ཤར།། མ་སྐྱེས་སེམས་ཀྱི་ཐིག་ལེ་ལ།། རྩོལ་སྒྲུབ་བྲལ་བའི་ཏིང་འཛིན་གསལ།། བྱ་བ་མེད་པའི་དོན་ཀུན་རྫོགས།། རྒྱུ་འབྲས་རྡོ་རྗེའི་ངཔལ་བསྡུས།། ཐམས
123b6 ཅད་རང་སེམས་ངོ་བོའི་ཕྱིར།། འཛིན་རྟོག་སྤྲོས་པ་ཐམས་ཅད་ཞི།། བྱེད་རྩོལ་རིག་པའི་ངང་གིས་འགྲུབ།། རྩོལ་སྒྲུབ་བྲལ་བའི་ལམ་མཆོག་ཡིན།། དགྱེས་ཆེན་སྡུད་པའི་ཐིག་ལེ་ཡིན།། རྒྱུ་དྲུག་རྟོགས་པ་ཐམས་ཅད
iiif viewer powered by OpenSeadragon
