| e-texts navigator |
| Wylie |
121b1 དོགས་པ་བཅོམ།། ཤེས་གྱུད་བཅད་པས་ཡུལ་དང་བྲལ།། བརྐམ་ཆགས་ལྔ་བྲལ་རང་འབྱུང་བས།། འཁོར་བ་རྣམ་དག་ཡེ་ཤེས་ཀློང་།། བྱེད་རྩོལ་ཏིང་འཛིན་རིམ་སྤངས་པས།། འབྲས་བུ་གཞན་འདོད་ཡུལ་དང
121b2 བྲལ།། དགེ་དང་མི་དགེ་རྣམ་རྟོག་སྤངས།། མཉམ་རྫོགས་ཆེན་པོའི་ཐིག་ལེ་ཅན།། གཙང་དང་སྨེ་བའི་ལོ་ཏོག་འདོད།། ཐམས་ཅད་མ་ལུས་ཡེ་ཤེས་ལ།། སྤྱོད་པ་རྣམ་དག་རྟོག་མེད་པ།། ཇི་ལྟར་འདོད་དགུ་བདེ
121b3 བ་སྤྱོད།། མི་རྟོག་བདེ་ཆེན་ཤར་བ་ཉིད།། དེ་ཉིད་སྤྱོད་པ་རྒྱ་མཚོ་སྟེ།། ལུས་ངག་གཙོ་རུ་འཇལ་བྱེད་པ།། དེ་ཡང་སྤྱོད་ཉིད་སྤྱོད་མེད་པ།། རང་འབྱུང་ལྷུན་གྲུབ་དེ་ཉིད་ལ།། ཡན་ལག་ཀུན་རྫོགས་ཁྱད་པར་ཆེ།། མི
121b4 དམིགས་སྒྱུ་མའི་བདེ་མཆོག་ནི།། གཉུག་མར་གསལ་ན་ལྟ་བ་ཡིན།། གདེང་དུ་ཕེབས་ནས་སྒོམ་པའི་མཆོག། སྙིང་པོར་ཆུབ་པས་དཀྱིལ་འཁོར་ཡིན།། རང་ལ་རྫོགས་ན་དབང་བསྐུར་ཡིན།། དེ་ཉིད་ཉམས་ལེན་སྤྱོད
121b5 པའི་མཆོག། བདེ་མཆོག་མི་གཡོ་འབར་བའི་ཀློང་།། མི་ལྡོག་བདེ་བའི་ཀློང་གྱུར་པ།། དེ་ནི་སྒྲུབ་པའི་དངོས་གྲུབ་མཆོག། མི་འདའ་བ་ཡི་དམ་ཚིག་སྟེ།། ཕྱག་རྒྱ་སྒྲུབ་པའི་ལུང་ཆེན་པོ།། མ་ལུས་ཐིམ་ཞིང་ཞུགས
121b6 འགྱུར་བས།། བདེ་བ་ཆེན་པོའི་མཆོད་པ་ཡིན།། རང་ལ་རྫོགས་པས་ཕུལ་པ་ཡིན།། བྱིན་གྱིས་བརླབས་པས་ཡེ་ནས་དག། རྟག་ཏུ་མཆོད་པས་རོལ་པའི་གནས།། གཉིས་མེད་གྱུར་པས་མཛེས་པའི་རྒྱན།། མ་ལུས
iiif viewer powered by OpenSeadragon
