| e-texts navigator |
| Wylie |
121a1 @ཐིག་ལེ་དགུ་ཡི་བདག། སྙིང་པོ་ལ་འདུས་རྡོ་རྗེ་རྒྱལ།། བདེ་ཆེན་དྲུག་བསྡུས་རིག་པ་བརྒྱ།། ཀུན་གྲོལ་བདེ་བའི་ལམ་ལ་གཟུགས།། ལུང་གསུམ་བརྒྱུད་པའི་འོད་ཆེན་འདི།། ལྔ་དང་དགུ་དང་གསུམ་གྱི
121a2 འོད།། མ་ལུས་བཞིར་འགྱུར་དངོས་མེད་པ།། བརྗོད་བཞི་ཐ་སྙད་ཀུན་བདག་ཉིད།། ཡི་གེ་རྣམ་རྟོག་རྒྱུ་བ་བྲལ།། ནམ་མཁའ་དངོས་མེད་སྟོང་པ་བཞིན།། བྲལ་ཀྱང་མ་ལུས་སེམས་ཀྱི་གཏེར།། འདོད་ཡོན
121a3 ལོངས་སྤྱོད་རྒྱལ་བའི་ཡུམ།། དེ་ཉིད་ལོངས་སྤྱོད་གཏེར་གྱི་བཅུད།། བདེ་བའི་ལོངས་སྤྱོད་རང་རིག་མཆོག། ཞིང་ཁམས་གཞལ་ཡས་བདེ་བའི་གནས།། གསང་བའི་གནས་ཆེན་གནས་པའི་བདག། རྒྱུ་དང་བྲལ་བའི
121a4 དངོས་གཞི་ཅན།། ངོ་མཚར་རྨད་འབྱུང་དེ་ཉིད་བཅུད།། མ་ལུས་འདུས་པའི་རིན་པོ་ཆེ།། བརྗོད་བྱ་མ་ལུས་ཀུན་འདུས་པའི།། རྒྱལ་བ་བསྟན་པ་ཀུན་གྱི་གཙོ།། ཐུགས་ཀྱི་བཅུད་འདུས་དེ་ཉིད་ལམ།། སྤྱོད་ཡུལ་བྲལ
121a5 བའི་རང་རིག་ཉིད།། བདེ་གཤེགས་རྒྱལ་བ་ཀུན་གྱི་ཐུགས།། དངོས་གཞི་བྲལ་བའི་རང་རིག་ཉིད།། བདེ་གཤེགས་རྒྱལ་བ་ཀུན་གྱི་ཐུགས།། མ་ལུས་འཕྲོས་པ་ཀུན་གྱི་རྒྱུ།། ཟག་པ་མེད་པས་འདུས་མ་བྱས།། བསྟན
121a6 པ་ཀུན་འདུས་ཐིག་ལེའི་བཅུད།། རིག་མའི་ངང་གསལ་ཡེ་ཤེས་སྒྲོན།། འཕེལ་འགྲིབ་མེད་པས་ནམ་མཁའི་དབྱིངས།། སྡུག་བསྔལ་མེད་པས་བདེ་ཀློང་འཁྱིལ།། སྤང་དུ་མེད་པས་སླང་དང་བྲལ།། རེ་བ་མེད་པས
iiif viewer powered by OpenSeadragon
