| e-texts navigator |
| Wylie |
11b1 སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། དེ་ནས་གསང་འཛིན་རྒྱལ་པོ་ཡིས།། གསང་བའི་དོན་འདི་གཟུང་བྱའི་ཕྱིར།། བཅོམ་ལྡན་འདས་ལ་གསོལ་བཏབ་ཏེ།། དམ་པ་བཤད་པར་ཞུ
11b2 གསོལ་བས།། དབང་ཕྱུག་དམ་པ་ཀུན་བདག་གིས།། སྣ་ཚོགས་དཀྱིལ་འཁོར་གསུམ་དུ་བསྒོམ།། དུས་གསུམ་འབྱུང་བའི་སངས་རྒྱས་རྣམས།། སྐུ་གསུང་ཐུགས་ལ་ལོངས་སྤྱོད་དོ།། ནམ་མཁའ་དབྱིངས་ཀྱི་དབུས
11b3 གནས་པའི།། རྡོ་རྗེ་མི་འགྱུར་བརྟན་པའི་སར།། བླ་མེད་ཤེས་རབ་གཅིག་ཏུ་མཚུངས།། ཡེ་ཤེས་ཐར་ལམ་སྒྲུབ་བྱེད་པའི།། སྤྱོད་པས་སེམས་ཅད་ཐམས་ཅད་གསོད། ཁམས་གསུམ་འགུལ་བ་ཀུན་བསད་ནས།། མི
11b4 བསྐྱོད་སངས་རྒྱས་ཞིང་དག་ཏུ།། རིགས་མཆོག་རྒྱལ་པོ་རྡོ་རྗེའི་སྐུ།། ངོ་བོ་ཉིད་གཙང་གོས་པ་མེད།། ཀུན་རྫོགས་བྱང་ཆུབ་སྤྱོད་མཛད་པའི།། རླབས་ཆེན་སངས་རྒྱས་རྒྱུན་མི་འཆད།། གཏི་མུག་དཀྱིལ་འཁོར་རབ
11b5 བསྒོམས་ནས།། དེ་བཞིན་གཤེགས་པའི་དཀྱིལ་འཁོར་དེར།། རིགས་ཀྱི་དཀྱིལ་འཁོར་ཐམས་ཅད་སོགས།། ཞེ་སྡང་ང་རྒྱལ་འདོད་ཆགས་དང་།། ཕྲག་དོག་ལ་སོགས་དཀྱིལ་འཁོར་ལའང་།། རྒྱལ་བའི་དཀྱིལ
11b6 འཁོར་མ་ལུས་རྫོགས།། དམ་པའི་དཀྱིལ་འཁོར་ལྔ་ཉིད་དུ།། དབང་འདོད་བསྐུར་ན་བསྒྱུར་ནུས་དང་།། རིག་འཛིན་སངས་རྒྱས་མཆོག་འདོད་པས།། ལྔ་པའི་དཀྱིལ་འཁོར་འདི་ལས་འབྱུང་།། དེ་དག་ཐམས་ཅད་ཉེ
iiif viewer powered by OpenSeadragon
