| e-texts navigator |
| Wylie |
112b1 སྐྱེ།། གྲགས་སེམས་རྒྱལ་བའི་ཆོས་ཟོས་ན།། རྗེས་སུ་མཐུན་པའི་ཡིད་ཀྱིས་མོས།། བླ་མ་རྡོ་རྗེ་སྐལ་ལྡན་དེས།། ལུས་ངག་སྤྱོད་པ་ཅི་བྱས་ཀྱང་།། གཡོ་སྒྱུ་མེད་པས་དགའ་འབྱེད་ཅིང་།། མཐོང་དང་དྲན་པའི་ཤེས
112b2 རྒྱུད་ཀྱིས།། ཐུན་མོང་དྲི་མ་ཀུན་འཇོམས་ཤིང་།། ཉི་མའི་འོད་བཞིན་ཞི་བྱེད་པ།། བླ་མ་རྡོ་རྗེ་སྐུ་གསུང་ལ།། རྟག་ཏུ་རང་གི་ཡིད་འདོགས་ཤིང་།། ཐུགས་ཀྱིས་ཇི་ལྟར་སེམས་པ་བཞིན།། གུས་པའི་སེམས་ཀྱིས
112b3 མཉེས་བྱེད་ཅིང་།། རྟག་ཏུ་མཆོད་པ་འབུལ་བྱེད་པ།། དེ་ནི་རིགས་ཀྱི་བུ་ཡིན་ཏེ།། བདེ་བའི་ཞིང་གྱུར་སྐལ་ལྡན་དེ།། རྡོ་རྗེ་རིན་ཆེན་དག་ལ་བསྐྱོན།། བདེ་གཤེགས་ཉིད་དུ་ངེས་ལུང་བསྟན།། དུས་མཐའི་འབྲས་བུ
112b4 ས་ལ་བཀོད།། དེ་ནས་རྡོ་རྗེ་བླ་མ་དེས།། དོན་རྟོགས་གསལ་བའི་མངོན་སུམ་མམ།། ལུས་དང་སེམས་ཀྱི་བརྡ་རྟགས་སམ།། ཆོས་སྐྱོང་མཁའ་འགྲོ་འམ་སེམས་དཔའ་ཡིས།། ཐབས་ཀྱི་གནས་པའམ་རྡོ་རྗེའི་གདན་ས
112b5 རུ།། རིག་ནས་སྐལ་ལྡན་དེ་ནི་སར།། སྨིན་པར་བྱ་ཕྱིར་རིམ་པར་བྱ།། འདི་ལ་ཅི་སྩལ་ཡན་ལག་དང་།། ཐབས་རིམ་ཕྲ་སླ་ཀྲིད་ཀར་མ།། རྩོལ་སྒྲུབ་ལུས་དང་སེམས་ཀྱི་ལས།། དངོས་གང་ཐིག་ལེའི་མཚན་ཉིད
112b6 ནི། འདོད་རྩོལ་སྤྲོས་པ་ཐམས་ཅད་འགགས།། བརྗོད་པར་བྱ་བའི་ལུང་བསྟན་མིན།། སྐལ་ལྡན་སེམས་ཀྱི་དཀྱིལ་འཁོར་དུ།། བདེ་ཆེན་ཤར་བའི་རྣལ་འབྱོར་རམ།། དེ་རྟོགས་ཀླུང་དུ་འབེབས་འདོད
iiif viewer powered by OpenSeadragon
