| e-texts navigator |
| Wylie |
111b1 ཡིན།། འདི་ནི་སངས་རྒྱས་ཐམས་ཅད་ཀྱི།། མཆོག་ཏུ་བཀུར་ཞིང་རྗེས་སུ་གཟུང་།། རང་རིག་ཡེ་ཤེས་རྒྱལ་པོ་འདི།། གསང་སྔགས་གཏེར་གྱི་མཛོད་འཛིན་ཅིང་།། བསྟན་པ་རྒྱ་མཚོ་སྒྲོགས་པའི་བདག། མན་ངག
111b2 རིན་ཆེན་གཏེར་གྱི་ཀློང་།། ཡེ་ཤེས་སྒྲོན་མ་ལྷམ་མེ་བ།། འཇིག་རྟེན་ཀུན་གྱི་སྟོན་པའོ།། བླ་མ་སངས་རྒྱས་རིན་ཆེན་སེམས།། མ་བཅོས་དེ་ཉིད་ལམ་སྟོན་པའི།། བླ་མ་སངས་རྒྱས་ཀུན་གྱི་དངོས།། རྡོ་རྗེ་སློབ་དཔོན
111b3 དམ་པ་ཡིན།། སློབ་མ་རིན་ཆེན་སེམས་རང་བཞིན།། ཀུན་གྱི་རང་བཞིན་དངོས་དེ་ཉིད།། དེ་ཉིད་དེ་ཡི་ཕྱག་རྒྱ་ཅན།། དེ་ཡི་དབང་གིས་དེ་ཐོབ་ཅིང་།། དེར་འདུས་དེ་ལ་རག་ལས་པས།། དེ་དག་དེ་ཡི་རིགས་ལས
111b4 བྱུང་།། བརྐམ་ཆགས་དྲུག་ལྡན་རྐྱེན་བཞིའི་བདག། རྣམ་དག་བདེ་ལམ་འཐོབ་དང་བཅས།། ཐམས་ཅད་སེམས་ཀྱི་དེ་དག་ཉིད།། སྤྱོད་ཡུལ་སེམས་ཀྱི་རང་བཞིན་ཅན།། སློབ་མ་རྡོ་རྗེའི་རིགས་ཅན་ཏེ།། ལྷུན་གྲུབ་བླ།
111b5 མའི་རང་བཞིན་ཏེ།། དེ་ཡི་བཀའ་རྟགས་རྡོ་རྗེ་ཅན།། ཐམས་ཅད་མི་འགྱུར་རྡོ་རྗེའི་དབྱིངས།། དེས་ན་སློབ་མ་རྡོ་རྗེའི་བུ།། རིགས་སུ་ངེས་པའི་བཀའ་རྟགས་ཡིན།། ཐམས་ཅད་སློབ་མ་རྡོ་རྗེ་ཉིད།། དེ་ཉིད་བླ་མ་རྡོ
111b6 རྗེའི་སྟོབས།། རྡོ་རྗེའི་ངང་གཅིག་རྡོ་རྗེ་ཉིད།། རྡོ་རྗེའི་ཡེ་ཤེས་ཁྱབ་གདལ་བས།། དེས་ན་རྡོ་རྗེ་ལྷུན་གྲུབ་པའོ།། བླ་མའི་རིམ་པའི་རྣལ་འབྱོར་ཅན།། དེ་ཉིད་སྡུད་དང་འཐོར་བ་ཡི།། རིག་པ་ཉམས་སུ་དེར་བཞག
iiif viewer powered by OpenSeadragon
