| e-texts navigator |
| Wylie |
10a1 བྱུང་གཞན་ལས་མིན།། བདེ་བ་ཆེན་པོའི་རྒྱུད་ལས། གསང་བའི་མན་ངག་དམ་ཚིག་མ་ལུས་པར་བསྟན་པའི་ལེའུ་སྟེ་དྲུག་པའོ།། ། དེ་ནས་བཅོམ་ལྡན་འདས་ཀུན་ཏུ་བཟང་པོ་སྐྱོན་གྱིས
10a2 བགོར་མེད་པའི་ཏིང་ངེ་འཛིན་ལ་སྙོམས་པར་བཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། བདེ་གཤེགས་རྒྱལ་བའི་སྐུ་ཉིད་ལ།། དཔག་མེད་སྒྲིབ་ཏུ་མི་རུང་ཕྱིར།། སྐྱོན་གྱིས་བགོ་རུ་མེད་པ་སྟེ།། འདོད
10a3 ཆགས་ཞེ་སྡང་གཏི་མུག་ཅན།། ང་རྒྱལ་ཕྲག་དོག་ཀུན་སྤྱོད་པས།། བླ་མེད་ཐེག་པའི་མཆོག་ཉིད་ལ།། མཆོག་ཏུ་གྱུར་པའི་སྒྲུབ་བྱེད་པ།། དེ་ཉིད་མཆོག་དེ་བླ་ན་མེད།། རིགས་ངན་གདོལ་པ་སྨེ་ཤ་ཅན།། ཐེག་དམན
10a4 ལྟ་བ་ལོག་པ་དང་།། མ་རབ་རྨུགས་སྤྲུགས་པ་ལ་ལོགས།། གསང་བའི་དོན་དུ་སྒྲུབ་པ་རྣམས།། ཐེག་མཆོག་འདི་ལས་འགྲུབ་པར་གསུངས།། མཚམས་མེད་ལྔ་དང་དམ་མེད་དང་།། རྐུན་པོ་ཆོམ་རྐུན་དམག་དཔུང
10a5 ན།། སྡིག་པའི་འཁོར་ལོ་བསྒྱུར་བའང་།། བླ་མེད་ཐེག་པ་ཆེན་པོ་ཡི།། ཐེག་མཆོག་འདི་ལ་བསྒྲུབ་པར་བྱ།། སྲོག་གཅོད་དགའ་དང་གཡེམས་པ་དང་།། གཞན་གྱིས་མ་བྱིན་བླངས་པ་དང་།། བརྫུན་དང་སྨྲ་དང
10a6 བརྣབ་སེམས་དང་།། རྟག་ཏུ་འདོད་པ་སྤྱོད་པ་རྣམས།། བླ་མེད་ཐེག་པའི་སྣོད་དུ་བསྔགས།། མ་སྲིན་བུ་མོ་སྦྱོར་བྱེད་ཅིང་།། གཤང་གཅི་ཟས་སུ་ཟ་བ་དང་།། དགེ་སློང་བསམ་གཏན་དཀྲུས་སྐུར་ཞིང་།། ལྷ་ཁང་མདོ
iiif viewer powered by OpenSeadragon
