| e-texts navigator |
| Wylie |
108b1 ལུས་དང་།། རྒྱུ་དྲུག་སངས་རྒྱས་ཐམས་ཅད་ཀྱི།། བཞུགས་གནས་རྨད་འབྱུང་ཁྱད་པར་ཅན།། ཚད་དང་བྲལ་བའི་རིན་ཆེན་ཁང་།། མི་འགྱུར་རྡོ་རྗེའི་རྒྱུ་ལས་བྱུང་།། རང་བྱུང་ཡེ་ཤེས་གཞལ་ཡས་ཁང་།། གནས་ཉིད
108b2 གནས་ལ་གནས་པ་མེད།། དེ་ལས་འབྱུང་ཞིང་དེ་རུ་འདུས།། དེ་ཉིད་དེ་ཡི་རང་བཞིན་གནས།། བྱང་ཆུབ་སེམས་ཉིད་བདེ་ཆེན་པོ།། རྨད་འབྱུང་ཐིག་ལེའི་གནས་ཞེས་བྱའོ།། རྟེན་གནས་ཁྱད་པར་བསྟན་བྱ་བ།། དོན
108b3 གྲུབ་རྡོ་རྗེ་རིགས་ཅན་འདི།། དང་པོ་བདེ་བའི་གཞི་ཡིན་པས།། ཡེ་ཤེས་རྒྱུ་ལས་བྱུང་བ་ཡི།། ཟ་མ་ཏོག་གི་རྒྱལ་མཚན་ནམ།། དཔལ་ཕུག་རྡོ་རྗེའི་རྒྱལ་མཚན་ནམ།། བ་ར་ཎཱ་སཱིའི་བསིལ་ཁང་ངམ།། དོན་གྲུབ་རིན
108b4 ཆེན་སུལ་མངས་སམ།། རྒྱ་ཕུག་ཀོ་ཤ་གླིང་ཕུག་གམ།། དོན་གྲུབ་བཀྲ་ཤིས་ཁང་བུའང་རུང་།། ཡེ་ཤེས་སྟོབས་དང་རིག་པའི་བྱིན་རླབས་དང་།། བདེ་བའི་གནས་སུ་བདུད་རྩི་བཅུད་སྤེལ་ན།། རྣལ་འབྱོར་ཚེ་འཛིན
108b5 རིག་པའི་བྱིན་རླབས་སྟོང་།། དེས་ན་སྙིགས་མའི་རྒྱུ་ཅན་དང་པོ་སྟེ།། རྐྱེན་ལྔ་རྣམ་འབྱོར་ཡིན་ན་རྟེན་བཞིར་གཟུང་།། དཀྱིལ་འཁོར་རང་འབྱུང་ཡེ་ཤེས་ཏེ།། མ་བཅོས་དངོས་གཞི་དཀྱིལ་འཁོར་གསུམ།། ཐམས་ཅད
108b6 ཡེ་ཤེས་རང་རིག་གསལ།། མཁའ་ལྟར་ཁྱབ་པའི་བདེ་ཆེན་པོ།། ཡེ་ཤེས་དཔག་མེད་ཡོན་ཏན་གསལ།། སྙིང་པོ་ལེན་པས་མ་དྷ་ལ།། རང་ལ་རྫོགས་པས་ལྷུན་གྱིས་གྲུབ།། ཡོན་ཏན་རྫོགས་པས་ཡོན་ཏན
iiif viewer powered by OpenSeadragon
