| e-texts navigator |
| Wylie |
107a1 ནས།། ནམ་མཁའི་དངོས་པོར་སྙེག་པ་འདྲ།། བདེ་བ་ཆེན་པོའི་མན་ངག་འདི།། དམུས་ལོང་མདུན་ནས་གཟུགས་སྣང་ཞིང་།། སྐལ་ངན་ལས་ཀྱིས་བསྒྲིབས་པ་ལ།། སྲོག་ལུས་བྲལ་ཡང་ཁར་དབྱུང
107a2 མིན།། བློ་ངན་དད་པ་ཆུང་བ་དང་།། ངང་གི་བློ་འཕངས་དམའ་བ་དང་།། ཟོས་པ་ཆུང་བའི་བློ་སྦྲམ་དང་།། ཐེག་པ་དམན་ལ་ཞུགས་པ་དང་།། རང་རྐྱེན་ངན་པས་དྲེགས་པ་དང་།། ངར་འཛིན་དྲེགས་པས་གཙོར
107a3 འཆེལ་དང་།། འཇིག་རྟེན་བྱ་བའི་རྒྱུར་སྒྲུབ་དང་།། ཐབས་ཀྱི་བཅུད་ཆེན་འཛག་པ་དང་།། བརྐམ་ཆགས་ངན་པས་འཛིན་པ་དང་།། སྣོད་ཀྱི་དྲི་མ་མ་དག་པས།། བསྒྲུབ་བྱ་དམ་པར་མི་སེམས་དང་།། བླ་མ་སྲོག་ཏུ་མི
107a4 འཛིན་དང་།། ཐ་མའི་སྤྱོད་པ་ཉམས་པ་རྣམས།། གྲིབ་བཞིན་བྱུང་འཁོར་སྤང་བར་བྱ།། སྲོག་ལུས་བྲལ་ཡང་ལས་ཀྱིས་བྲལ།། མཚོ་ཆེན་གསེར་གྱི་འོག་གཞི་ལྟར།། མི་འགྱུར་བརྟན་པའི་སེམས་ཀྱིས་བཟུང་།། གལ
107a5 ཏེ་བཅས་པའི་རྒྱ་རལ་ན།། ན་རག་རྡོ་རྗེའི་གདན་བཞི་སྟེ།། ཆད་པའི་རིགས་སུ་ངེས་པ་ཡིན།། རྣམ་སྨིན་འཇིག་རྟེན་འདི་ལས་བྱུང་།། དམ་ཅན་རྡོ་རྗེ་མཁའ་འགྲོའི་ཚོགས།། བོས་པ་བཞིན་དུ་འདུས་གྱུར་ནས།།
107a6 ཁྲག་ལ་སོགས་དངོས་སུ་ཟ།། དམ་ཤོད་གླིང་གི་དུར་ཁྲོད་བཞིན།། མཁའ་འགྲོ་རྣ་ཉན་ཀུན་གྱིས་སྡུད།། དེས་ན་ཐབས་ཆེན་མན་ངག་འདི།། རྗེས་སུ་མཐུན་པའི་དམ་བཅས་བཟུང་།། རིན་ཆེན་གཏེར་གྱི་སྙིང་པོ
iiif viewer powered by OpenSeadragon
